ج ــديد البراق (البــــــيرق)؟؟؟؟!!!

[عبدالله الجـــذع]

لا تمرني ياهاجسـي .. عابـر سبيـل
تشيلك اوراقـي .. ويكتبـك اقلمـي !
ما ابغى من الشـي الكثيـر الا القليـل
اللي يزوّد مع هـل العـرف اسهمـي
اشعل علـى روس الطواريـق الفتيـل
القدح قدحي .. والرصـاص بمحزمـي
ياهاجسي .. دبك المثايـل دبـك خيـل
في دبرتك .. يـوم المواقـف تحتمـي
وردهـنّ العـد القـراح .. السلسبيـل
ولا تصدرهن .. من الجمّـه / ضمـي
هذا وانا اطمع بالجزيل عـن الهزيـل
ومادك في صدري ما تك ابـه نسمـي
اسبح مع الشعار فـي بحـور الخليـل
واركز على روس المشاريف اعلمـي
وان عوّدت .. مابين حط وبيـن شيـل
في موقفـي ثابـت .. ولا زل اقدمـي
والحق .. اله كلمه كما حـد الصقيـل
واللي يغط النـور .. ماهـوب آدمـي
اقولهـا .. والله علـى قولـي وكيـل
لو انها مابيـن .. عظمـي ولحمـي !
خارج نطاق ( افرق عميل ٍ عن عميل )
وعلاقـة .. اللاينتمـي / والينتـمـي
مبروك للدوحه ومبروك لـ( خليـل )
وكل الخليج اللي غلاهـم فـي دمـي
بالشعر والتصويت .. والخلـق النبيـل
يستاهـل البيـرق / خليـل الشبرمـي

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا