مساجلة شعرية بين الشاعر ناصر الفراعنه والشاعر منصور الزيادي

[فهـــد نجـــد]

السلام عليكم ورحمة الله وبركاته
اخواني اعضاء منتديات عتيبه الاعزاء

هذي مساجلة
الشاعر منصور بن جدعان العتيبي والشاعر ناصر الفراعنه السبيعي

وحبيت اقلها لكم

وانا نقلتها بالحرف الواحد كما كتبها الاخ ناصر الفراعنه في احد المنتديات

واتمنى انها تحوز على رضاكم

********************************
بسم الله الرحمن الرحيم
هذه قصيدة الشاعر الكبير:منصور بن جدعان العتيبي..الموجهة لي
والتي وصلتني عن طريق الاخ العزيز:فهد نجد

[poet font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله ياربنا يامدبر الكون=يامدبر الكون نطلبك الاعانه
بأعانه(ن) منك نبداء كل مضمون=مضمون ماقول يحمل له حصانه
حصانة الدبلماسي ما تجي دون=دون النجوم العوالي في زمانه
زمانه الي يحطم كل دندون= دندون اله في زمان اول مكانه
مكانة(ن) دونها ناس(ن)يثانون=يثنون بالفعل من زود الرزانه
رزانة المخ بالافكار يبنون= يبنون بني الفطانه والذهانه
ذهانة(ن)ورعها يمشي على الشون=الشون خلوه ربع الخيزرانه
الخيزرانه لها ناس(ن) يلاوون=يلوونها لجل ما تزعل فلانه
افلانه الي لها مليون ابو لون=لونه خضر قلب ورع(ن) في الحضانه
حضانة(ن)سدها ماهو بمامون=مامون لو كان في دانه ودانه
ودانه ودانه تناسب قوم فرعون=فرعون ماله ورى الاسلام خانه
خانة حقيقة تحقق ماتمنون=يالي تمنونها ضحك وميانه
ميانة الجاهل المذنب تقفون=تقفون مع دربها والكم بطانه
بطانة(ن) فالصحافه تكحل عيون=عيون للحق قاطعة(ن) لسانه
لسانه الي يبين كل مكنون=مكنون بين الفضيحه والامانة
وأمانتي قلتها ياللي توحون=توحون ما اقول ما يبغى ابانه
وابانته زود مكدها وتلقون=تلقون ماقول في داخل خزانه
خزانة ربحها مضمون مضمون=مضمون صرف الذهب واعرف أوانه
أوانه أن راح ناصر يلعب الحون=الحون فيها يولع شمعدانه
[/poet]

وهذا كان مردودي على الشاعر:منصور بن جدعان

[poet font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا حالتي يا فهد يا حالة الدون=يا حالة الدون عوّدتي ديانه
ديانة السامري فاولاد صهيون=صهيون ماقدّروا ربع استكانه
الاستكانه حشوها غصن زيتون=زيتون رمز الكرامه والإهانه
إهانة جمّرت في راس غليون=غليون خمّارة في وسط حانه
حانة سفرجيّة السفاح شارون=شارون نطّّل محازمها لعانة
لعانة ورثّت تسعين ملعون=ملعون الاصل احسبه مبطي تكانه
تكانة صورت في فلم كرتون=كرتون عانه ياابن جدعان عانه
عانه مع (المدمزيل) الستّ(سيمون)=سيمون هي ليت ما هي قهرمانه
القهرمانه قهرها المصطفى جون=المصطفى جون قلّدها جمانه
جمانة من جمان (استيف بارون)=بارون من فمه في فمها لبانه
لبانة المستكا صنع الصنم(عون)=صنع الصنم (عون)مصدر كل عفانه
عفانة بيّنه وش عاد يبغون=يبغون بالمطرقه والسنديانه
السنديانه نهاية كل مجنون=مجنون من سبّة جنانه جنانه
جنانه اربع كسر سمر وجالون=جالون جلة لهب زانه وزانه
زانه وزانه وعود اثلة وعرجون=عرجون برحيّة عشره ثمانه
ثمانه الوضح والمدفون مدفون=مدفون دفن العرافه والكهانه
كهانة صيّحت موسى بهارون=هارون فصّل لسانه طيلسانه
الطيلسانه لمثل احمد وذا النون=ذا النون ما غالت عجافه سمانه
سمانه سمان ما تشرى بعربون=عربون من يكسر سنانه سنانه
سنان وسنان بن جدعان مسنون=مسنون من يلحق سنانه عنانه
[/poet]
اتمنى وفقت بالاختيار

اخوكم فهد نجد