السلام عليكم
نبارك لنا جميعا
عودة قسم مزاين قبيلة عتيبه
وأنقل لكم هذه القصيدة وقد نزلت سابقا
لأحد شعراء منتديات قبيلة عتيبه الهيلا المميزين
نايف بن الحميدي وهو يرثي (نفود السر)
ا
الايالسر ياشينك خلاوي=ياشينك عقب مخلفت الهقاوي
بعدراحوا هل الطاله عتيبه=الاياشيب عيني صرت خاوي
والايالسر وين اقفا ضعنهم=سالتك كان تدري بالحراوي
الاياصعب ساعات المفارق=واشوفك عقب فرقاهم سناوي
ولا ياليتني ماجيت يمك=تقول انك على موتي هواوي
ولايالسر خدك من وطيته=من الفرقى تثاقلت الخطاوي
دموع العين هلت واستهلت=على الذكرى طواني كل طاوي
تذكرت المزاين والتلاحم=وساعات النخاوي والعزاوي
عتيبه كلها فيك استقرت=وجولك من بعيدات النحاوي
بنوفيك الصروح وشيٌدوها=خلال ايام بالمد الرهاوي
مدينه كامله كلٍ شهدها=وكلٍ دون ميقافه فداوي
صروحٍ جولها كل القبايل=يعج ابها من الاطياب جاوي
على بن وشحم عز ومعزه=ماهيب امهايطات ولاحكاوي
فعاليات ويش اذكر واخلي=حدث ماياصفه تسعين راوي
سقا الله هاك الايام الجميله=تساوي عمر لاقلنا تساوي
ختام القول مني والنهايه=والايالسر ياشينك خلاوي