فعايلكم تحسب لها العـــدا وتنومس العتبان==قصيدتييين تستاهل قرأتها

[سطام بن فهيد]

فعايلكم تحسب لها العـــدا وتنومس العتبان==قصيدتييين تستاهل قرأتها
السلام عليكم


ومساكم الله بالخير حبيت تكون حقوق القصيدتين ذي في منتدى عتيبه محفوظه


ذي قصيدة الشاعر بدر البجادي الدعجاني في امير قبيلة الشيابين وامير الفوج الثامن الامير سلطان بن ماجد بن فهيد

وانشاء الله تنال على اعجابكم

صحيح الشعر وهبه من اله الكون للانسان"="ولا ينطق بحرف الا بمد الله والهامه
ونا عندي هواجيس الضمير اتطوع القيفان"=" بنوادر مهجتي عن ماحواه الفكر والمامه
ونا ماقول شي الا وله قصة وله برهان"=" على ثبت الحقيقه في قـــديم الوقت وايامه
ليا قلت القصيد الجزل في من يستحقه زان"=" ونومس من يقوله فالمجال ولا حدٍ لامه
سلام الله سلام الله سلام الله على سلطان"="على شيخٍ عوايده الوفاء بالطيب وتمامه
من اول مبتداه وللعشاء في ناظره عنوان"= "كسب مرقى العلالي من مباد العمر وشمامه
مقر ونعم يوم انه على كسب ونعم ولهان"="بعزم ونوهة للجود والطولات همامه
سنادٍ للخوي وللضعيف وشر للعدوان"="عدوه منه يختل ويخل الذل بعظامه
يلين باس عدوانه وهو باسه قوي مالان"="شغاميم العدا من هيبته خجله ومنضامه
ليا جا في القبيله من يعد وعدو الشيخان"="يعدونه من اولهم مقر الجود مقدامه
ملاذ اللي من الزام الامور الكايده بحلان"="يشيل الحمل عنه ويحري المظهود بكرامه
صميدع كلمته ليا قالها تمشي على الاتقان"="ليا قال الكلام يتم ثبت وعــــاش تمامه
ماجبت الا ربع ماقيل والباقي لاحد الان"="يبيد صفحة التاريخ والكتاب واقلامه
ماجاه الجود بمجرد كلام افلان والا فلان"="ولا بمجاملة ناس لكثر الهرج لمامه
أخذه من راس ماجد وافي القاله جمل زومان"="اسناد للقبيله والخوي منزح اخصامه
ياقل اللي مثل ماجد لديه مايجي وكدان"="محطم باس من يطمع بكسب الجود قدامه
كفو ياخوان شرعاء في نهار للرمك ميدان"=" نهار والمنايا فيه للاعمار سوامه
بيوم يجتمع فرز الوغاء ومواجه الفرسان"= "ويشوش الراس منه ويعجب المزهوم زهامه
تطيب ابكم ظنون اللي يشوش وعزوته شيبان"="يشوش ويعتزي يوم الفعايل ترفع الهامه
كبرتو من يواعد بالقضاء وعن القضاء عجزان"="قضيتم عنه لومه وانبسط ونجالت الوامه
فعايلكم تحسب لها العـــدا وتنومس العتبان"="تنومس لابة للضد والعدوان لطامه
فعايلكم عليها نجد ورجاله شهود اعيان"="مترخها الزمان اللي كبرتو سادة اقوامه
مترخها زمان ولا محتها سيرة الازمان "="فعول اهل الوفا دايم لها الايام دوامه
بعيدين النظر واللي يماري مثلهم غلطان "="يهود لايغره مدح مداحه وحشامه
وانا امدح من يزين المدح فيهم والعدو مهان"="مقر نجد كله ثبت من غربه ليا شامه
اداعب مهجتي والقاف لاصغته يجي مليان"="على الافكار عندي سهل فتل القاف واحكامه
صواريم الحرار اللي مواكرها جبل حوران "="عجز عن طيبها ووصوفها راوي وعلامه

============


والثانيه

للشاعر حمود بن عيد الدعجاني شاعر الفوج الثامن