دفاعا عن الرسول صلي الله عليه وسلم للشاعر (((حسين بن شتوي الحبابي)))

[علي الحبابي]

من واجب كل مسلم الدفاع عن الرسول صلى الله عليه وسلم وهنا قصيده للشاعر حسين بن شتوي الحبابي امل ان تحوز على رضاكم واقل مانقدمه لرسولنا الحبيب

انا البارحه في مسجد من بيوت الله=رفعت الدعاء والنفس ماهي بمسروره
قريت القصص والعنكبوت وذكرت الله=وسورة محمد جهر لنهايه السوره
وانا مسلم وارفع يديني لوجه الله=اناجيه ودموعي على الخد منثوره
هل الكفر والالحاد سبوا رسول الله=وسووا لوجه بالكاركتير كم صوره
ياصلى الله وسلم على افضل عباد الله=عدد ما انهمر مزن به القاع ممطوره
رسول الله اللي جاء يبّشر بدين الله=وهالحين وصل الدين في كل معموره
الا يالدنمارك انتوا اخس خلق الله=خساسٍ صوركم كنكم كلاب مسعوره
عسى الله يدمر من تعدوا حدود الله=وباذن الكريم ان اهل الاسلام منصوره
ماشاء الله على قوة هل الدين ماشاء الله=وهل العذر لاتعذر ولاهى بمعذوره
من اللحين نعلنها قطاع ليوم الله=ونكتب قطاعتنا علي كل منشوره
وحن السعوديين في حكم عبدالله=ملكنا ذرانا نصرة الدين اخو نوره
ابومتعب يحكم الجزيره بشرع الله=نحبه وناقف جنبه ونستمع شوره
لاوالله مانترك واجب الدين لا والله=عسى الله يعز الدار ويعز دستوره
هذا ما استطعت وباقي القول عند الله=وهاذي قصيدة شاعر ثارت شعوره
وعلى محمد الهادي صلاه وسلام الله=عد مابدا فاج الصباح وظهر نوره

[/QUOTE]