يا وليدي تجي .. والا انا ازحف واجيك

[عضياني نت]

[poet font="Tahoma,4,white,normal,normal" bkcolor="transparent" bkimage="backgrounds/14.gif" border="outset,4,blue" type=2 line=200% align=right use=ex length=0 char="" num="0,black" filter=" shadow(color=sienna,direction=135) glow(color=darkblue,strength=5)"]
يا وليدي تجي .. والا انا ازحف واجيك



يوم انشدوني عن دمـوعي وأنا أمــك=
جاوبتهـم وابعدتهـم عـن طواريـك

ما ابغى أجرحك في كلمة تزيـد همـك=
ما أبغى أقول إن السبـب من تجافيـك

يوم لمست الصدر في يــوم ضمــك=
نسيت أنا اللي حـولي وقمت أبكيـك

ما دري إنت عايش وارتجي لمس جسمك=
أو ميـت وأقـول يرحمــك واليـك

يـا مـا سِهرت وزاد غمـي لغمـك=
ما ارتاح ليمن تهتـني فـي لياليــك

يـا مـا لما طولت نومـك أشمــك=
وأتأكد إنك عايشٍ لـي وأرجيــك

ويـا مـا ازعلوا مني خوالك وعمـك=
ويا ما هجرت أقرب قريب ضحك فيك

ويـا مـا ذرف دمعي إذا سال دمك=
براءة الأطفال مـا هـي بتنهيــك

ويا ما انتظرتك عند بابي وأنا أمـك=
وأقول في يـوم تجـي وأحييــك

أخاف مـن يـوم يجينـي يغمـك=
ويجيك علمي مع عزيـز يعزيــك

أنا علـى الله داخلـه ثـم لـمك=
ارحم قليـب تالي الليل يشكيـك

فكر في من صابها الضيم وظلمـك=
واذكر حشاً ضمك وعسر المساليك

ودي أشوفك قبل يومي ويومـك=
لـو مرة بالعـام الله يخلـيـك

ما أبيك تقطعني إذا أمري يهمك=
بقعد معك وأضحك وأسولف وأحاكيك

يا وليـــدي اذكر كلمة قال فمك=
لا قلت كلمة يــوه قلبي يلبيـك

واذكر زمان به فراشـي بجنبـك=
ولا شكت قلت يماه وأسليــك

ولا اشتد ما بك فوق كتفي أزمك=
ما أرتاح لحظة لين ربي يعافيـك

والختم لا جتك الرسالة وأنا أمك=
يُمّــه تجي ولا أنا أزحف وأجيك




من شريط توقيـــع للشيخ ناصر الأحمد

اعجبتني لجمال كلماتها

[/poet]