ضوابط نشر مواضيع العود أبو موس

[العود أبو موس]

المشاركة الأصلية كتبت بواسطة مقرن العتيبي

احب انبه ان هالكلام لا ينطبق على مشرفين الهيلا
وهذا اللي عايشته

أحد جاب طاري للهيلا أو قاعد تسوي إعلانات
يأخي ردك يصلح موضوع مستقل !

أنا لاجبت طاري .. ولا قرنت أحد يامقرن الله يعافيك ..

وش رايك أقول قصة يمكن تفيدك وتراها توجع الكبد على صحيح يعني ماهيب للتسلية :


كان فيه أثنين جالسين في ظل شجرة على الطريق يرتاحون من تعب السفر ,في زمن قديم أيام كانت الطرق تمر بالأشجار .. يسولفون ويتعللون ويقيلون ..
مر عليهم مجموعة راكبين على ظهور بعارين ومسافرين على الطريق نفسه وأثناء مرورهم بالشجرة قال أحد الجلوس للثاني :
_ شوف هذولا شكلم شيوخ أوتجار ومن رؤس قوم , ملابسهم وزملهم وأشكالكم وسلاحهم .. ياولد قم نخوي عليهم ونرافقهم في حروة خير ورزق ؟!
قال الثاني لخويه :
_ لا يغرك , ما تعرفهم ولا تفرق بين الطيب والردي فيهم ولا تضيع وقتنا معهم ويطلعون في الأخير ما يصلحون لو يسرق بعضهم بعض أتهمونا .

قال الأول :
_ معليك . عندي أناأميز لك الطيبين منهم عن الرديان وأنت على جلستك ولا تغير مكانك ونشوف هم يستاهلون الخوة أو لا .

قال الثاني :
_ ياولد كيف تعرف وانت مكانك لا خاويتهم ولا بخصهم . ورنا كيف ؟

وقف الأول وصاح بإتجاههم وبأعلى صوته :

_ "يالطقوع ,,, يالطقوع ... أنت يالطقوع يالطقوع لد يمي جاي .. يالطقوع ما تسمعني ؟! هيه يالطقوع "

جميع الركب تجاهل النداء .. حتى نط من بينهم هتل , رد على المنادي :
_ أنت الطقوع .. وش عندك ؟ تعال ..

فقال الواقف للجالس :
أبك قم ..قم .. والله أنهم شيوخ ومافيهم إلا واحد مأخذيه لهاذي ومثلها يتوقون به عن ما تشوم أنفسهم عنه ..للدنافيس ومكاسر أهل الأسواق ..
ولحقو بهم .. وطلع اللي رد عليهم مناسب للوصف .


__
أعتقد الحكمة واضحة من القصة . مع إحترامي للجميع بالرغم من ورود لفظ غير مناسب ولكن واقعي .

لهذا لا أرى تواجد للمشرفين في الموضوع ..