هنا انطلاق المحاورة المباشرة الليلة

[بندر المرشدي]

النشمي

هلا مرحبا عد الليالي مع الايام= نيابه عن الهيلا هل العز والهيبه
الا يالمطاري سرها والوعد قدام= تمثل بنى عمك وانا امثل عتيبه

الشاطري

يدوم البقاء عداد ماذعذعن انسام= عن مطير اهل سيفٍ عطيبه مضاريبه
على ماتبي يمّ اليمن سرها والشام= وكلٍ على الميقاف يحمي مواجيبه

النشمي

نبا نفتح الصفحه ونامر على الاقلام= ونكتب ملاحم تذهل الطفل والشيبه
عن القصه اللي تعجز الفكر والاعلام=قضت وقتها مابين رحله وتغريبه

الشاطري

يسير القلم ويسجل العلم بالاحكام = ويصدر مجلد من قرابه يهذريبه
على الطاولة ياصحابي كل شهر وعام=لكن البلا فالطاوله وش نسويبه

النشمي

تبالك لحم جاهز يقدم بدون عظام=وراع المناوي مايحقق مطاليبه
تهوز المعارك لا ذخيره ولاش حزام=وخصمك يشب النار تشعل مشاهيبه

الشاطري

تبا الصدق يالنشمي عليها ختم وابهام= وراع المناوي طش صوته لصاحيبه
انادي واصوت مار ماواحدٍ لي قام= تقول ان مالك سمع للصوت توحيبه

النشمي

يقولون تالي وقتنا تطول الاقزام= ويشيب الغراب من الزمان وتعاجيبه
سباء عرشها بسباب هدهد يروح حطام= مثل سد مارب صار من فار تخريبه

الشاطري

زمانٍ يجور وفيه راس الكريم يظام= عسى يسلم الرجال تالي عواقيبه
تحرى وانا معك اتحرى خيار اقسام= ليا أنهد سور الصين بيكن تمسيبه

النشمي

بعد مات ابو عمار وش جاب ابو عزام=يلم التمر والسوس في داخل العيبه
لورنس العرب يضحك على صاحبه دحام= وله مقصداً محداً من الناس

الشاطري

تحلم هذاك ومات ماحقق الاحلام= وهذا ماجاب العلم حتى يوديبه
تبا العلم راح الامر مع عابد الاصنام= ولو يقصدون الناس جهز مصاليبه

النشمي

على نهر بحر النيل مار الورود حيام=ولورنس مايصرى من الشك والريبه
نبا ننقل الحمله على الجيب ابوصدام=ترى الفرت لاطال المدى ينكشف عيبه

الشاطري

ترى كل حرٍ يارد العذب ماينلام= لكن ينتبه للماء لاتكثر غثاريبه
حموله على الجيب المسمى بسبع اختام= بعد مرّ بالنقطه قرينا مكاتيبه

النشمي

بعير الشواوي صايبه فالطحال هيام=وكسرة لحيه كلها من عراقيبه
عرفنا حقيقة زيدوالشيخ ابوعرام=يازينه بذاك البشت يسرح ويضويبه

الشاطري

بعيرٍ على الذود المطرف رثع به حام = ينزله من هاك الطويل ويعديبه
وانا اعرف حقيقة ملفي اللى على الزهام= وذاك البشيت اللي مع الدرب يوميبه

أعضاء وزوار منتدى الهيلا الكرام


نرحب بكم أجمل ترحيب ونتمنى أن تقضوا أمتع الاوقات واسعدها مع هذه الليلة المباركة


التي تجمع الشاعرين الكبيرين اللذين ابدعا في فن المحاورة عبر الانترنت


الشاعر/ النشمي

الشاعر/ غازي الشاطري




نتمنى منكم الحضور والمتابعة مشكورين






ملاحظة:يمنع إقامة اي محاورات مصاحبة في هذا القسم

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه