بنت الرجال أهل الوفا كرام اللحى ,,

[بندر الهيلا]

الجادل اللـي حبهـا شيـد علـى قلبـي قصـور
والله لتفـنـى ماتقـفـل فالخـفـوق أبوابـهـا
أحبها والقلب ماهـو فـي هـوى خلـي معـذور
وأحـب أبوهـا وعمهـا,, وأحـب كـل أقرابهـا
وما دامني فـي بالهـا مالاحقـن بالـي عـزور
وغيابهـا للـروح يعنـي فالحيـاة.. غيابـهـا
بنات فكري لا طرى تـارد بـي السبـع البحـور
وأعـوم فيهـا وأنتقـي فاللـول مـا يزهابهـا
ولا من طرت في ضيقتي تقلب لي الضيقه سـرور
وأنسـى نكايـد دنيتـي واهمومهـا ,, واتعابهـا
واهيم مع ضبي الفلا واعيش معـه بـلا شعـور
وأسـج رجلـي للجبـال النايـفـه وأرقابـهـا
ما شي حولي غيـر طيفـه والفيافـي والزهـور
الخـد أرضـي واللحـاف اللـي علـي أهدابهـا
مشي "ن" على وضح النقا والشوق زاد النور نور
وأهل الوشايه مـا نحسـب فالـدروب حسابهـا
وياللي تقول ان الجمال اليوسفي سـاس الغـرور
ترى الغـرور اللـي تمـازج بالحلـى ماعابهـا
مع زينها حط الحيا مـن دونهـا نقطـة عبـور
ما كـل طامـع فالهـوى يقـدر ينـوش ترابهـا
وياعاذلـي ياللـي تمنـى بينـا هـدم الجسـور
خل السيـوف المثلمـه ياعاذلـي فـي جرابهـا
ما للصقور المرقبه فـي جوهـا غيـر الصقـور
والكايـده لأصحابهـا ..والهيـنـه لأصحابـهـا
أقولهـا وأدقهـا سهميـن فـي وسـط النحـور
الخيـل مـن خيالهـا ,,والنـار مـن شبابـهـا
بنت الرجال أهل الوفا كرام اللحى طـوال الشبـور
اللـي علـى عـد الـروى دايـم تعـن ركابهـا
من غير ناقص فالرجال ,,أهل الذراع ولا قصـور
في ضنتي ماغير راسـي فالرجـال أولـى بهـا
ورود دربي فالهوى ياهـل الهـوى ,,ولا صـدور
اللي مشـى فـي سكـة قـال المثـل يضرابهـا
وأنا من اللي لو يبـور الوقـت راسـه مايبـور
أحفـظ وصيـة شايبـي والقـوم مـن شيابهـا
ماني من اللي شغلته بين العرب دهـن السيـور
ولا نيب خبـل يعـرض السلعـه علـى جلابهـا
صحيح من قـال الحوايـم كلهـا تسمـى طيـور
وصحيح مـن قـال الحـرار يميزهـا مخلابهـا
وصحيح من قال السعه, ياهل السعه وسع الصدور
وصحيح من قال الطلايـب مـن قسـم طلابهـا
أقولها وأطولها وأضـرب بهـا فـوق الصخـور
من ضاق منها ياعسى ,,واللي رضـى يرضابهـا
الجادل اللي حبهـا فأقصـى المعاليـق مخبـور
لن طال وقتي أو قصـر فـي خافقـي مضاربهـا
وطبعي كذا ,,ياللي تلفلـف فالسواليـف وتـدور
الكايده هي مطلبي,, والهينـه مـا أرضـى بهـا

يالمقـــــــــــــــــاطي

الله الله
ابداع---جزاله---قمة الروعه

صــح لســانكــ مليــــونـ ولايســـدون

تحيـــــــــــــــــــــــاتي
!!!!!!!!!!!!!!!!!!!!!!!!!
@@@@@@@@@@@@