السميري جبت العيد؟؟؟؟؟؟؟؟؟؟؟؟؟؟

[معجب العتيبي]

المشاركة الأصلية كتبت بواسطة سارح البال

ناصر المرشدي

يالسميري عليك من الحقوق حقوق=ليـش تبنـي بيوتـك ماتفقـدهـا
غير فاروق حاكم مصر كم فـاروق=عاشت المملكه في حكـم سيدهـا

السميري

أبشر أبشر بحقٍ يلحقه ملحـوق=مار هذا الصحيح اللي يوكدها !
كم وكم من رجالٍ ينفخون البوق=لايحلـلّ حبـال ولا يعقـدهـا

ناصر المرشدي

يعرف الرجل بالتفكير والمنطـوق=يامنقـص علومـك لاتـزودهـا
ليه همشت دور اهل الادب والذوق=الرجـال النشامـا ليـه تجحدهـا

السميري

كان لك وصف حرٍ خل راسك فوق=لو اظن الصقـور اليـوم نفقدهـا
بين الاعمى وبين الاعرج المطفوق=كـيـف بالله تبغـانـي امجـدهـا

ناصر المرشدي

انت سبيّت حتى صاحبك مرزوق=دون مايـدري بيوتـك يرددهـا
الله اكبر جحد برقا وعزوة روق=يالسميري لا والله رحت مع يدها

السميري

ماني بقايل انّك منزلـك مرمـوق=انت ودك ولكـن منـت واجدهـا
انت مالك ياناصر مع هل البل نوق=بس ثنتين كل شـوي تعددهـا !!

ناصر المرشدي

يارياجيل راس الآدمـي مفلـوق=اخذين الشهـاده قبـل يشهدهـا
حوقها يابو سمره كان تقدر حوق=ردهــا للقضـيـه لاتبعـدهـا