قصيدة للشاعر/عبدالله بن غازي(بمناسبة المزاين)

[الاد الكريزي]

بسم الله الرحمن الرحيم
اخواني اعضاء المنتدى
السلام عليكم ورحمة الله وبركاته
اولا: اقدم لكم التهنئه بمناسبة نجاح ملتقى قبيله عتيبه لمزايين الابل
وليس بغريب على ربعي عتـــــــابه
وبيض الله وجيهكم

واقدم لكم هذه القصيده للشاعر/ عبدالله بن غازي

في محكم التنزيل من عالي الشان=آيه تقول انا شعوب وقبايل
والله شرع نهج التعارف بالاحسان=والحق ما غيره حقوق وبدايل
وليا افتخر راع الفخر قلت قد حان=يوم افتخر وارقى على كل طايل
لعتيبه الهيلا هل الرمح وسنان=ومهند يخلي ظهور الاصايل
ربع لهم في صفحة المجد عنوان=ما ينمحي لو ينمحي ضلع حايل
يوم الزمان الشين نروي شبا الزان=لا سيقت العطفه نضد الدبايل
يامن بنا الخايف وتامن بنا اوطان=لا ولعت بالحرب روس الفتايل
وقفاتنا يرجح بها كل ميزان=وليا حظرنا يعتدل كل مايل
ربعي عتيبه مفنية قرح الضان=لطامة العايل ليا جاك عايل
حنا هل الطولات من ماض الازمان=ستر البنات منقضات الجدايل
نعطي الحقوق ان كان للحق ديان=ومنا العطايا وافيات جزايل
نجازي المحسن على احسانه احسان=ونوري المخطي نجوم القوايل
نجود لا من وجه الزمن شان=بافعالنا نعطي دروس ورسايل
قد قالها راكان يا عل راكان=في جنة الفردوس ظل وخمايل
ذخيرة والله لاقيل عتبان=ذخيرة تشفي الكبود الغلايل
تعرف عزاوينا ليا مست ارسان=وصفوفنا دايم تراها الاوايل
ومدحي لربعي مايجي فيه نقصان=لباقي القبايل كاسبين النفايل
والله يعز الدين واخوان سلطان=آل السعود اهل الشيم والفضايل