اللهجات العربية جزء لايتجزأ من التراث العربي والاسلامي

[طلال الروقي]

خلف الدعجاني
شكرا لتشريفك الموضوع وانا بس اردت اني اضيف اشاره بسيطة لان هذا الموضوع لايفي بالغرض
بس شكلك مبسوط من المفردات اللي عندنا اذا لقيتها في القرآن
ابا اقصلك هالقصة علشان تنبسط اكثر
الشلة في الشقه كل شهر يجمعون دراهم
نصيب محدد لاغراض الشقة ويسمون هذا النصيب اللي على كل واحد (قطة) والحمد لله ان القرآن معنا في كلامنا (وقالو ربنا عجل لنا قطنا قبل يوم الحساب ) ذكر المفسرون ان (قطنا) يعني نصيبنا المقدر
منول كنت اعتقد ان هالكلمة بالذات بالاردو

والشيبان زي ماتعرف يسمون الدراهم اللي تجي من الحكومة خراج وفي القرآن (ام تسألهم خرجا فخراج ربك خير وهو خير الرازقين )

حتى البنقالي في الحارة طلع يعرف اللغة العربية زين
كاتب لوحة على باب البقالة وكاتب يوجد عندنا طرايق سمبوسة ...
وطرايق السمبوسة اذا كنت لم تسمع بها من قبل هي عجينة ممدودة موضوعه على بعضها البعض
المهم يوم رحت اصلي في المسجد حق الحارة برضوه في نفس اليوم
والا والامام قرا الاية ذي (ولقد خلقنا فوقكم سبع طرايق ...
يعني السموات السبع طرايق لانها بعضها فوق بعض

وش رايك ياخلف تجي تسكن عندنا في الحارة علشان ماعاد تسأل
لان حارتنا حتى بنقالينا الظاهر بيجاوب على كل اسئلتك ههههههههه

آخر تعديل طلال الروقي يوم 06-Oct-2007 في 10:10 PM.