دكاتره فالكذب والسرق والنوم ..( قصيـده العطاوي اللي يسب فيها السبيت وكيل الحرس )

[الـــقـــرم]

قـصيـدة الـشاعـر / عجمي بن خصيوي بن زنعاف العطاوي

قالها وهو مظلوم من احد المسؤولين الكبار في الحرس الوطني الذي يحمل مرتبة وزيـــر ( الـسـبـيـت )

وقد تم التحقيق مع هذا المسؤول وإعادة الحق الى اصحابه ومحاسبتـه من قصر وظلم وتكبر

ويـقولـون ان ابن زنعاف يوم وقفوه الحراسه اللي عند بيبان القصـر قـال قصيده غير هالقصيده يمدح فيهـا الحرس الوطنـي

لـكـن يوم واجـــه الأميـر متعـب مدري عبد الله قال هالقصيده والسبيـت جالس يسمعهــا



يـقـول : ـ

ياهل العدالـه لأصبـح العـدل معـدوم = يامحكـمـه فــي خـلـق ربــي كتـابـه
يامطمنـه راس الـذي يبـغـي الــزوم = يافـزعـه الـلـي راح حـقـه نـهـابـه
يأمـيـر أنامظـلـوم مظـلـوم مـظـلـوم = ظلـمـا بــه المظـلـوم يشـلـح ثيـابـه
من (السفيه)اللـي مـن الخيـر محـروم = مـن مبتداءعمـره الـى آخـر شبـابـه
يامـر وينـهـا وكــل مـاقـال مـخـدوم = ومـن هيبـتـك ياسـيـدي لــه مهـابـه
وسوى يابومتعب مثـل باشـة الـروم = ولــولاك والله ماحسـبـنـا حـسـابـه
والصبرمرإلى أصبح الحـق مهضـوم = واليـوم حـقـي هاضميـنـه عصـابـه
عصـابـة لوتنبـحـث عنـدهـا عـلـوم = فيهـا الخيـانـه والــرداء والخيـابـه
شلةحـرامـيـة وسـرقــان ورخـــوم = تنقـل لنـا الأمـراض مـثـل الذبـابـه
أنجس من الفيران وأروح مـن الثـوم = وملـيـون غسـلـه ماتـزيـل الجنـابـه
خــوان عـهـد الله لـلـشـر زيـــزوم = أصبـح دمـار الـدار فــار الخـرابـه
نصب بمنصب وأصبح الصبح منجوم = ضعـيـف عـقـل وســاس مايقتـدابـه
يكـذب ويظلـم باسمكـم ظـلـم معـلـوم = وأصبـح يابومتـعـب عـزيـز جنـابـه
وظلـم مـن الجاهـل يعـالـج ومـذمـوم = وظلم مـن العالـم يضيـع الـدواء بـه
واليـوم هـو الـيـوم مابـعـد هالـيـوم = كــل عـلـى يمـنـاك يـاخـذ حـسـابـه
وأنت الحكم فالشعب والشعب محكوم = والظـلـم ماتـرضـاه والـلـي سعـابـه
فأن كنت أنا كاذب فـلا منـك مرحـوم = تقطـع لسانـي وتربطـه فــوق بـابـه
وأن كنت أنا صادق نبي منك مرسوم = بطردة ردي السـاس راس العصابـه
وتشتيـت شمـل مجمعـة شـر وهمـوم = على الوطن وأهل الوطـن والقرابـه
وقـت اللـزوم رخـوم ماتنطـح القـوم = ووقت الرخاء شجعان مـا تـنـتـجابـه
دكاتـره فالـكـذب والـسـرق والـنـوم = ثعالـب أمـس واليـوم صـارت ذيابـه
ولو أزعـج الأصـوات مانـي بمليـوم = شفـت الــذي يامـيـر مـاحـدٍ درابــه

تـحيـاتـي ..