.. لجميــــــــــــــــــع الشعراء الرجاء الدخووول .. هنا ..

[السميــــــري]

رشيد الزلامي ..

ياصاحبي درب العلا صعب بالحيل =دونه مسافـة جرهديـه وجـرداء
وقدمك لعكفان الشـوارب مداهيـل =قطّاعة الفرجه على كـل سـرداء
وان كان ماتقدر دروب الرياجيـل = عوّد وتلقـى واحـدٍ منـك وأردا

الشعراء الذين طرحوا ابدعهم هنا ..


السميــري

أن كان ماتعرفك صفر المعاميل!! = ولا تذبح اليا هب من شام بـردا
أرقد ترى مالك همـومٍ مقابيـل =أيضاً ولا لك عالي المجـد وردا
خله لذربيـن اليمـانَ المشاكيـل = ولّا الردي يعتاش ويموت فـردا

سلطان البقمي

لا تحسب ان الوقت كله تساهيل = احيان ينبت شوك واحيـان وردا
خلك على درب الرجال الحلاحيل = والصيف حر ولا يجي فيه بـردا
لـو صبـت الدلـه بغيـر الفناجيـل = ماجا رجـال الكيـف للكيـف وردا

شامان الأسعدي

يـاصـاحـبـي مــن رادهـا يسهــر الليل = طـول الـمـسـافـه مـا تـهـم الـشــوردا
قـــدامــك الاجـيــال جـيـلٍ بـعـد جـيـل = والـوقـت لـوقـفـيـت يطـــردك طـردا
مـايـجـهـل علوم الرجـال الـمـشـاكـيـل = يــكــــود رجــــال ٍ نـصـيـبـه تـمــردا

أشكرهم جميعاا ..
وصحة ألسنتكم ياشعار ..