أول قصيدة

[مازن بن سعد بن شبلان]

السلام عليكم ورحمة الله وبركاته
( أول قصيدة في منتداكم وأبشرو بالخير)

يوم أشوف بعض تصرفات الشباب الله يهديهم من أمور شبيهه بأعمال الغرب يضيق صدري

فكتبت هذه القصيدة لعلها تحرك شي في نفوس الشباب وهي نصيحة من محب لهم....

(واقــــــع مــريــــر)

شلّة أشـرب باليســـار وفك ريقك بالزقــــاره **** مايوخر عن رداهم غير من نفسه حشيمة


مايوخــر عن رداهـم كـود من يصنع قـراره **** ومن قدر يصنـــع قراره ذاك رجّالٍ(ن) صتيمــة


مسلمين ومسجــــد اللـه مايزورونـه زيــارة **** غير من يرحمه رب البيت كشّاف الظليمــة


كيفهم صـوت الأغاني والتمايل في الغمـاره **** وفي مجالســهم تحصــل غيبةٍ(ن) معها نميمــة


يتبعون الغرب لو يلقونهم وسـط الجحــاره **** مضحكة للعـــالم الغربي وحالتـهم سقيمـــــة


والشكل يوم إن تشوفه ما يباعد شكل سـارة **** واخسـارة شايبه يـــوم إن يذ بح له تمـيمـة


ماكتبت الهــرج هــذا تريقــه ولاّ عيـــــاره **** مقصدي نصـح الشباب ودلّهم درب الغنيـمـة


يا الله إنك تهدي اللي تابع إبليس بمساره **** وتصلح أحواله وتجعل نيــته دايــم سليمــــة


واهنيّ اللي يخلي دين ربه هو شعــــــاره **** ويتعلـم دين ربـــه من منـــاهجنــا القويمـــة


يتعلم دين ربه والجــهل ينفـــض غبــاره **** ولا يسلّم للجهل عقلة ويرضــى بالـهزيمــــة


ويحفظ القرآن ويطبق معانيــه بمهــــارة **** ويتبع السنـــة وينهــج كــل دربٍ(ن) مستقيمــــة


واهنيّه واهنيّه ماقضى عمـره خســـــارة **** قاضيٍ(ن) عمــره يشد الحيل ويحث العزيمــــة


قاله الأول يقول الهرج يازين اختصاره **** واعذروا يا للي لكم بالصـدر مقدارٍ(ن) وقيمـــــة


الشاعــر/ مــــازن بن سـعـد مســفر بن شـبـلان العتيبي