كل الفغمه رجال لا نشف الريق= وزود على هذا جزيل عطاها !!!

[فيصل المسعودي]

هذه الابيات للشاعر / سالم بن ملهي الدغيلبي


قالها في / عبدالله بن محمد الفغم


حيث ان عبدالله الفغم قام بإهداء الشاعر / سالم الدغيلبي طير باهض الثمن


وقام شاعرنا ببدع قصيدة شكراً وعرفاناً منه لهذا الموقف الوفي من الفغم


وأليكم القصيدة :

طيبك ياعبدالله مايحتاج تبريق=شيخٍ ولد شيخ على مستواها
انته ولد زيزومها حزة الضيق=وخوالك شيوخ العرب وومراها
من روس ربعٍ كلبوهم مطاليق=اللي يذري بالشدايد ذراها
لا زغردن بيض البني للعشاشيق=محمد عقيد القوم قايد لواها
كل الفغمه رجال لا نشف الريق=وزود على هذا جزيل عطاها
انتم هل العليا مثل هضبة طويق=من ضدته غبر الليالي نصاها
اخوان صبحا لا صفح كل رقريق=لا ثارت الهيجا ودخن سماها
اهل الكرم والجود من غير تلفيق=تكرم يمانيها وتكرم لحاها
ارفعلك البيضا بروس الشواهيق=اهل الكرم والجود هذا جزاها