توما هوك

[نوار العتيبي]

السلام عليكم ورحمة الله وبركاته...

قصيده اعجبتني لاحد شعراء عتيبه وهي بعنوان { توما هوك }

لياذعذع هوى الغربي تفتح خافقن منـتـك **** وتجول هموم قلبن من براده جالهن صوكه

وبادك القوافي دام هاجوس الضماير دك **** مخير واتخير في وقوف القاف وبروكـــــه

وباكتب فيض من غيض الخفوق اللي بيوته تك **** منابعها الحنايا اللي تصوغ القاف وتحوكــه

مكاسرها صواريخ تطلق مثل توم هوك **** يدكن الهدف بامر الخفوق ان دك داكوكـــه

بوقتن ياخفوقي زاد همك وابلشك وانهك **** ليا جات السلامه راس مالي منه مبروكــه

تغير دام بابه في وجيه اهل الشكاله صك **** وبعد من زود جوره يالعوارف شاخ صعلوكه

وعاشوبه هل النمات ضكاك السوالف ضك **** مفرقت الجماعه ملبسين الشين بضحوكه

تحسفني بوقتي رفقة الطيب واقول ابك ابك **** ليا شانت ضنونه بالرفيق وكثرت شكوكه

وانا للطيب ادمح من غلاه ولالحقني شـــك **** وعليه اشفق ولا ارضاله بوقتي دقة الشوكه

وردي الخلق مااقبل شوفته لوقال كلي لــك **** وله بيبان صدري والغلاء والقدر مصكوكه

ولامنه غلط قلت اش هرجك يالمنافق عك **** هذا قدر اللئيم ولحية الهذار مدهــــوكـــــه

اعرف الناس واعرف كل دار ومن لها يملك **** وسنام شعيل ماساوا بخلقه مايل اوروكه

فرقها من خلقها جل خلاقن بــيـــده المــلك **** عظيم الشان علام الخفايا مجري فلوكه

وتراني عارفن محدن حكر طيب الملا في صك **** وهايب من جزيل المد بامره تصرف بنوكه

تبا ترغي وتبرك يابـعيرن للتهم ودك **** وتبي تشتال حملك لو اعزوم الحيل منهوكه

نصيحه لك تراها ياقليل العرف كوية فك **** قبل لايدخلك شيطان نفسك داخل شبوكـــــه

تريح ياردي الحظ واسرع للصلاة وزك **** وقل يالله تديم الامن والانعام مشروكــــــه

احد للطيبه ممسك بوقته صاحين مافك **** واحد خايب وخيله بالردى والشين مفكوكه

وكل يرجع لساسه صحيح الهرج ماهو هك **** وعلى ورثة اجدوده كل رجل يقدم صكوكه

ولوني مااحشم العربان لحك الهلايم حك **** وادق خشوم ناسن من قديم الوقت مــفــروكه




القصيده للشاعر:

عبدالمحسن بن نايف بن عميره