ترى ملوك الشعْر( مستور وحبيّب)...وترى هل الشعْر دايم (ربعي عتيبه)

[عيضه الثبيتي]

هذه القصيده موجهه للشاعر المحاورات /محمد العطاوي السلمي..بسبب تعرضه للشاعرين الكبيرين
حبيب العازمي وعوض الله ابو مشعاب
في جريدة عكاضـ ..في حوار مطول أجرأه موخراً ولقد كن قاسي على الشاعرين اكبيرين في بعض النقاط....
وقد وجهت له هذه الابيات عسى ان تحوز على رضاكم..

واعذرونا لطول المغيبه بسبب بعض الأشغال..

يقوووووووول:-

يامحمد أزعلت ابو مشعاب وحبيّب=شاعر سليم الكبير..وشاعر عتيبه!!
اللي ليا غنّوا الطاروق ماشيّب=معنى ..وفكره..وقافيّه..وترّكيبه!!
بغيابهم كنْ معنى الشعْر متغيّب=وبوجودهم يرجع المعنى من الغيبه!!
معناهم اليا ابعدوه..يعوّد قريّب=واليا اقربوه ابتعد.. ما واحد يجيبه!!
كم واحداً لا قربهم صار متهيّب=ترعد كفوفه..ولا تثبت عراقيبه!!
يوم ان وضع الشعْر ماهو بمتسيّب=وهالحين كلاً يفتل رؤس أشانيبه!!
اللي ماهو ذيب..صار اليوم متذيّب=ويرتاع لا مرّ بالنير ..وذكر ذيبه!!
شاعر ليا قام في ماقفه ماخيّب=واللي يخيّب لو أنه قام..والخيبه!!
الطيب تلقاه عند الصاحب الطيّب=طيبً بقلبه.. وباقي الطيب في جيبه!!
و(الفكره البكر)..غير (الفكره الثيّب)=قدام لا نشوف(غسان)وتلابيبه!!
ترى ملوك الشعْر ..(مستور وحبيّب)=وترى هل الشعر دايم (ربعي عتيبه)!!

وسلامتكم

الشاعر/عيضه الثبيتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131