وين العقول الأديبه

[أبو نجر النفيعي]

المشاركة الأصلية كتبت بواسطة الشمالي الغربي

اتمنى ان تنال لو قليل من رضاكم ..........

جتني تقول دخيلتك ياابن الاجـواد=قلت ابشري واللي تبين ابشريبـه
عليك آمان الله ثـم لأمـن سـاد=انتي زبنتي واحـدٍ مـن عتيبـه
قالت نزيهة عرض عريبة اجـداد=وحظي وقع من مشكله في مصيبه
لاعاد حظـي ثـم لاعـاد لاعـاد=شربت من كاس الليـال الكئيبـه
كلٍ يسولف بي على روس الاشهاد=ضاع الأدب وين العقول الأديبـه؟
الطب لويجمع مـن بـلاد لبـلاد=جرحي فلا ظنيـت يلقـا طيبيبـه
قلت اصبري ترى مع الصبر ميعاد=قصتك يابنـت الحمولـه غريبـه
عسى الرجا في تالي الوقت ينقاد=يبقى الامل بين الأصول العريبـه
ياعصر ابن غانم وعصر ابن شداد=ليتك تشوف اهل العصور القريبه
الصبـر زاد وكـل شـيٍ ليـازاد=بعد الرجا يعـود حالـه لخيبـه
يابنت لن جاني من الناس نشـاد=على سؤاله عنك مجبـور اجيبـه
اقول هي بنت الشرف بنت الأمجاد=بنتٍ لهـا قـدر ومكانـه وهيبـه
تقاسموهـا بيـن صـادر و وراد=شباب واللي لاح فى الراس شيبه
كلٍ يبث اللي طرالـه بالارصـاد=ماشاف منقوده ولاشـاف عيبـه
الشعـر درّه بيـن ناقـد ونقـاد=واصبح قضيه مع حبيب وحبيبـه
ما الومها من بنت لو تعلن احداد=أحوالهـا والله صعيبـه صعيبـه

الشمالي الغربي

الله الله يالعضياني..
صح السااااانك واعتلا شااانك
قصيده راااااايعه جداً ولاغرابه في ذالك
فهي من منبع الابداع((الشمالي الغربي....
..
وننتظر جديدك بشغف يالغالي..




.اخوووك..
.

التوقيع

.....