@ واحفضوها في سجل عتيبه الهيلا كرامه @

[ناصر الجلاه]

السلام عليكم ورحمة الله وبركاته

اول مشاركه لي في منتداكم العريق

بهاذه القصيده المتواضعه بين يديكم

بسم ربي بديت الواحد الفرد العظيمي = ولايخيب الي بيبدا بسم ربه في كلامه
ربي المعبود ماغيره على الدنيا رحيمي = مخلض له بالعباده فالصلاه وفي صيامه
منهجي بين النشاما والعرب منهج سليمي = ولا نهجت ادروب ناس مالها فالعز هامه
احمد الله واشكر الله شاعر ورجلن حكيمي = وعارفن مكسب زماني وش حلاله من حرامه
ياهجوس ابن العصيمي لاتردا فالعصيمي = العصيمي ينتخيبك لاتنشد وش علامه
قال قسمك بالمراجل ويش قلي يانديمي = قلت قسمي بالمراجل ورث يامال السلامه
المطيه وسمنا فيها من العهد القديمي = حيتن في خدها قد حطها جدي وسامه
يامنشد عن عتيبه قول سين يجيك جيمي = ونبغيت اهل قولي قوم في يوم الجهامه
مع مطانيخ الرجال ألهم محلن مستديمي =كاسبين الاوله والعز مكسبهم سنامه
قادهم للعز تركي ذلك الرجل الفهيمي = جعل ربي في نعيم جنانه يسكن عظامه
ثم حازو نجد كله يوم خلاه الغشيمي = يوم جوله حط راسه فالرمل مثل النعامه
ربعي العتبان قومن مايقابلها الخصيمي = المراجل مبتداهم مايعرفون الرخامه
من شمالن للحصاه ومن جنوبن للقصيمي = دارنا بسم العتيبي دار تقدير وشهامه
الكرم والطيب عنوانين لوقت الوخيمي = ومن يحصلها حقيقه ماتكدر في منامه
والعتيبي قد كسبها يوم دربه مستقيمي = في سلوم القوم اخذها ماكتسبها بالغشامه
العتيبي والجبل فالارض فعلاً سيم سيمي = ونسبت اسمي على فعلي ما يلحقني ملامه
يارجال العرف شاعر لامريض ولا سقيمي = افتخر بفعول ربعي يستحقون الزعامه
دام انا حين على الدنيا ولي قدرن حشيمي = صيت ربعي فوق راسي لرفعه مثل العمامه
ولاتناقصت القبايل فالزمن كلن يهيمي = ومن ينقص في مقام الناس ناقص في مقامه
قالها ولد العصيمي لجل تبقا فالصميمي = واحفضوها في سجل عتيبه الهيلا كرامه
والختاميه صلاتي عد ماهب النسيمي = للرسول الهاشمي وازكا التحيه في ختامه

وسلامتكم


اخوكم : ناصر العصيمي ( فزاع)

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com