الشاعر نجر بن فيصل العتيبي

[ابـن نـعـيـس]

من روائع الشاعر المعروف نجر بن فيصل العصيمي العتيبي هذه القصيدة الفكاهية
في وصف الهجن التي تم الاستغناء عنها في التنقل والترحال بعد استعمال السيارات الحديثه

نحمـد الله وارد الستيـن عانـه=واردٍ قبـل الحديـد يـوردونـه
ما يعبأ مـن شـراب القيزخانـه=ولا وقف وسط الكراج يوضبونـه
المكينة مطـرقٍ مـن خيزرانـه=كاملٍ بالوصف والشمعة عيونـه
والجما الكبوت والبـوري لسانـه=والمساعد يا ولد حربـة سنونـه
والأديتر صرته مضـرب ابطانـه=ديتره يا أبو سهل مـا يلحمونـه
وان ركب راعيه ما ملـه مكانـه=وان طرش صوب البلد ما يجرونه
وان عطى جو الخلا زين هذبانـه=وان تعرض رملةٍ مـا يسعفونـه
نمرته وسمه علـى خـده بيانـه=وان وطاله مركزٍ مـا يسألونـه
وارد الرحمن يا زين سهيانهـي=عجب اللي فوق وسقه يركبونـه
خالقـه ربـه وخالقنـا إوزانـه=ما يـورد مـن بعيـدٍ يصنعونـه
مير شان الوقت وأقفى به زمانـه=وإنقطع شقران ياللـي ترغبونـه
وتم قولي بذكر ربٍ عـز شانـه=ذكر ربٍ كـل الأمـة يشكرونـه

الشاعر نجر بن فيصل العصيمي العتيبي

التوقيع