((((ديوان مقبل بن جودان ))))

[قادم]

هذه ابيات غزليه للشاعر/ مقبــل بن جودان..

يابعد ديرتك ياخلي= عن بادية نجد واترابه
والبعد عن شوفك يخلي =راع الوشم يفقد اعصابه
في ما مضى كنت ترسللي=والشوق ياصلني كتابه
واليوم وش صار الك قلي=قطع الوصل كيف ترضابه
اخاف ودك تبين لي=ان الرجا مات طلابه
خبري بك العام صاف لي=يوم الوصل فاتح بابه
حتى ان طيفك يخيل لي=ان الجمال انت من جابه
دايم خيالك مثل ظلي=واحيان يكشف لي احجابه
ما كنت اظنك عدو لي=لين الهجر بانت اسبابه
غدرت بي جعلك تولي=ما تعرف اني من اعتابه
والغدر ما هوب طبع لي=ما نيب من يخدع احبابه
بس اسمع الرد وافطن لي=لا تمسك البيت باطنابه
ترى العهد صار منحلي=ما نية الخير بطلابه
وان كان هذا برد غلي=حكم الجزا طاح باحسابه
والا ترى الحكم عند اللي=يقدم على الموت ما هابه
راع الغرابه تزهل لي= يجيب الي حقي انهابه
حيث ان مطلق صديق الي=واعد نفسي من اصحابه