رساله من مطيري لم يجب عليها حبيّب حتى الآن

[الــوآفــي]

قصيده تسلمها حبيّب العازمي قبل حوالي شهرين وفيها طلب من شاعرها الذي يطلب فزعة ابو فيصل

الالف أولّف بيوت الشعر يا ساتر = لا دق هاجوس قلبي قلت له حاضر
ابا اكتب الشعر للقاري وللشاعر = واقول مالله خلق نفسٍ وضيعها
والباء بنيت البيوت اللي مرتبها = من داخل القلب ناقيها وجايبها
ياللي تغني بيوت الشعر غنبها = واقول مالله خلق نفسٍ وضيعها
والتاء تراها قصيده سوقها غالي = تنصى ولد عازم اللي دوم في بالي
تشكي عليه الضروف الوان واشكالي = واقول مالله خلق نفسٍ وضيعها
والثاء ثلاثين عامٍ عمري الماضي = مانيب زعلان من وقتي ولا راضي
لكنك اسمع كلامي وانته القاضي = واقول مالله خلق نفسٍ وضيعها
والجيم جار الزمان وجارت ايامه = واغبن ابو رمزي اللي ضاعت احلامه
ازرى يصلها وهي بالعين قدامه = واقول مالله خلق نفسٍ وضيعها
والحاء حياتي تراها صارت صعيبه = اصبح مع الفقر يابن روق وامسيبه
وازريت اكمل علوم حق ومصيبه = واقول مالله خلق نفسٍ وضيعها
والخاء خاويت الفقر والفقر خاواني = ماكنه الا صديق اعز صدقاني
واليوم من خوته تراي طفشاني = واقول مالله خلق نفسٍ وضيعها
والداء دروب الرجال اعرف مناهجها = واعرف مداخيلها واعرف مخارجها
ويبين لاهل العقل والفكر ناتجها = واقول مالله خلق نفسٍ وضيعها
والذا ذكرت الرجال اللي بهم نخوه = واخترت منهم طويل ذراع له سطوه
حبيّب العازمي جعله على الهقوه = واقول مالله خلق نفسٍ وضيعها
والراء ركزت العلوم وجتك منقاده = سوات مزنٍ يسوق وحن رعاده
برقه يعلمك مصداره وميراده = واقول مالله خلق نفسٍ وضيعها
والزاء زرعت الامل فالقلب وعروقه = والياس معطيه ساحوقه وماحوقه
وانا ادري ان الزمان اقشر وله عوقه = واقول مالله خلق نفسٍ وضيعها
والسين سارت بي الاقدار من صغري = ياما نطق هاجسي ياما حوى صدري
لكن هيّن يا وقت مطوّلن صبري = واقول مالله خلق نفسٍ وضيعها
والشين شاشت عيون الناس في عيني = لكن ما يختلف سلمي ولا ديني
يالله يالله من الزلات تحميني = واقول مالله خلق نفسٍ وضيعها
والصاد صديت عن هرج العرب كله = لكن تراها ثقه ماهي من الذله
والناس ما ريحت حتى رسول الله = واقول مالله خلق نفسٍ وضيعها
والضا ضعوف الرجال اعرف مجالسها = وقلوبها سود والضحكه تلبسها
لو عشت لي في خلاً خالي ما اجالسها = واقول مالله خلق نفسٍ وضيعها
والطاء طواريق شعري لا تعديها = تراي تعبان فاولها وتاليها
لكن ما يجهلك خافي معانيها = واقول مالله خلق نفسٍ وضيعها
والظاء تراها ظليمه فقر ورعاني = والا انا وقتي الأقشر تحداني
ماهمني لو سهرت ونمت جيعاني = واقول مالله خلق نفسٍ وضيعها
والعين عيني سهرها ما يفارقها = تعبت اغرب من الدنيا واشرقها
والحظ مصفوق والدنيا يصافقها = واقول مالله خلق نفسٍ وضيعها
والغين غثتني الدنيا وغثوني = ناس يقولون مدري وش يقولوني
زادت مصاريف ورعاني مع ديوني = واقول مالله خلق نفسٍ وضيعها
والفاء فرضت العلوم وجتك ثنتيني = ابغاك بكره لابن فهد توديني
والا تدور لي بجاهك عمل زيني = واقول مالله خلق نفسٍ وضيعها
والقاف قبر الفقر محفور له مده = لكنك افزع معي لا رحم ابو جده
ياحبيب العازمي رد الخبر رده = واقول مالله خلق نفسٍ وضيعها
والكا كبار المناصب لا بغو حاجه = والله ما تصعب عليهم لو منعاجه
والجرح ما يعجز الدكتور في علاجه = واقول مالله خلق نفسٍ وضيعها
واللاء لامنك بذلت الجهد يا حبيب = تبا تزين العلوم بعيد وقريب
يالله عسا ظننا بالخير ما يخيّب = واقول مالله خلق نفسٍ وضيعها
والميم ماني بقايل لك خبر ثاني = لكن تكفى يابن عازم لا تنساني
ترى المعاريف زانه والعمر فاني = واقول مالله خلق نفسٍ وضيعها
والنون ناصيك بعد الله ناصيكا = يمديك والا يابن عازم ما يمديكا
مانيب محرجك في هذي ولا ذيكا = واقول مالله خلق نفسٍ وضيعها
والهاء هواجيس شعري بأمر شاعرها = ينبيك عمّا تغيب عنك حاضرها
وان كان ما حركت هاجسك بعثرها = واقول مالله خلق نفسٍ وضيعها
والواو والله ما خليت من جهدي = في شرق في غرب مير الحظ ما يجدي
لكن يالله في حظٍ معك يبدي = واقول مالله خلق نفسٍ وضيعها
والياء ياربي عليك العون سبحانك = يالله يالله في لطفك وغفرانك
ياخالق الخلق ياللي معتلي شانك = واقول مالله خلق نفسٍ وضيعها

خلف الشلاحي المطيري

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه