قصة وقصيدة الشاعر/ بدر فهد المغيري العتيبي

[شاعر الدرع العربي]

@abuyaserjksa:
قصة توقيفه بسبب مبالغ ماليه لم يستطيع الوفاء بها وسجن على اثرها وخرج من السجن والحمد لله والأمل كبير في التسديد عنه ضمن مكرمة خادم الحرمين الشريفين الأخيرة.
اللهم سددعنه وجميع المسلمين

اترككم مع قصيدته

ياباب صكوك العساكر عليه
وامسيت من دوني مسكر ومقفول

جت بي صواديف الزمان القويه
واخذت قسمي من عنا الوقت مدبول

ولا عاد لي حيله ولا مقدريه
والمشكله وان تم وضعي على طول

قال انت وش حدك اتسوي كذيه
شيً تسويه انت ماهوب معقول

لو جاك واحد جالبً لك طميه
ماراح غير امسجله دين للحول

واليوم خلك بين هاذي وذيه
مالك ومثلك عندنا راي وحلول

ماجا وراي الا مسوي خطيه
وانته مثل غيرك مقيد ومعقول

قلت انت لونك تحل القضيه
كان اتكلم واشرح الوضع واقول

لاشك ماتقدر اتسوي سويه
جماد ماعندك لاحيله ولا حول

وألا الفرج من عند رب البريه
اللي عليه الرزق ثابت ومكفول

وانا اتحرى كل صبح وعشيه
يزهم عل اسمي من ورى الباب مسئول.

ياهيه ياراع الظروف العصيه
ياللي سنينك كلها شهب ومحول

جاك الفرج وابشر وبكره قفيه
ولم كفيلك مع هل العفو مشمول

صح الله لسانه وسلامتكم

آخر تعديل شاعر الدرع العربي يوم 19-Oct-2012 في 04:37 PM.