اللي حصل بعد مجزرة صبرا وشاتيلا
غضبو العرب غضباً شديداً . وصرح الملك فهد رحمه الله أن هذا الأمر لايمكن السكوت عنه
لكن بقية العرب كسروا مجاديف الفهد
وأمريكا حملت المسئوليه / شارون . كان وزير الدفاع الإسرائيلي . ولجنة كاهان الأمريكيه عزلوه من
منصبه
إرضاءاً للعرب . واكتفى العرب بعزل شارون . الذي عاد لمنصبه بعد سنوات لاأذكر عددها
هذا هو حال العرب للأسف
كنت وقت المجزره في بداية مشواري مع الشعر . نظم ومحاوره
وكتبت قصيده . قصيدة شاعر مبتدي
كفايه من الضحك
كفايه من الضحك ماعاد ينطاق= ياللي عن أحوال العرب ماتسالون
كلامكم خدعه وتزييف وانفاق=وش إستفدنا من عزلكم لشارون
كاهان . يالجنة ملفات واوراق=تبدون شي وشي خافي ومدفون
اللي بدا منكم لنا سوء الأخلاق=وخبث النوايا بالضماير تكنون
نار الفتن بأسبابكم تحرق إحراق= صبرا وشاتيلا عليها تشبون
لكن إذا مالتفت الساق بالساق=يامشعلين النار بالنار تجزون
ياأمة الإسلام أنا خاطري ضاق=من ماحصل من ظلم في عهد صهيون
حكم بلادٍ كانت أنوار وإشراق=والمسلمين من أول إبها يصلون
واليوم مابه نور يبدي بالآفاق=إلا بعد من غفوة النوم تصحون
إصحوا ترون النوم ماعاد ينذاق=صوت اليتاما يزعج اللي ينامون
عرج بسيدنا على برق وبراق=بعده صلاح الدين أبو سيف مسنون
إن كان ياهل الدين للنصر عشاق=تكاتفوا بإذن الإلهٍ تفوزون
واذكر كلام اللي صدوقاً وصداق=فهد ملكنا قال والخلق يوحون
نبي تكاتف لاحزازات وافراق=هيا أطلبوا منا وفالحال تجدون
أما حياة بعز موفورة أرزاق= وإلاً . ممات أحسن من الذل والهون
وسلامتكم. واعذروني .كنت وقتها شاب وشاعر مبتدي . أنشر قصايدي الغزليه
في صفحة واحة الأقلام بجريدة الندوه . وعندما أرسلت لهم هذه القصيده
إعتذر المحرر عن نشرها . يقول هذه فيها دعوه للجهاد مانقدر ننشرها
واعطيته غزليه وصوره شمسيه لي ونشرها مع الصوره فوراً ههههههه
تحياتي
| التوقيع |
ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد
حراً يموت وحر بالجنحان ينهض بالمطير=حمل الأمانه لو ثقيله قدها يابو فهد
وصل بن وصل الله الثبيتي |
آخر تعديل وصل الشهيب يوم 22-Sep-2012 في 10:23 AM.
« آخـــر الـــمـــشـــاركــــات »
22-Sep-2012, 10:12 AM
العرض الشجري