>>والله أنّي مـا أذمّـك يـا سمـو الأميـر = مير بعـض المدايـح منـت كفـوّ لّهـا<<

[!! . مــآجـد . !!]

،

//

ســدآح آلعتيبي ،

جعـل ربّـي يبيّـض وجهـك المستديـر = يـوم منـك العزيمـه جـات فـي حلّـهـا
مانبا لك خـروف .. ولا نبـا لـك بعيـر = نـعـمـة الله علـيـنـا ضـافــي ٍ ظـلّـهــا
كثّر الله خيـرك وأنـت مـافيـك خيـر = معـرفـتـك القـديـمـه فالـبـحـر بـلّـهـا
يـاخـويّ المشالـح للمصالـح سفـيـر = ألتفـت للعلـوم البـيـض وأفـطـنّ لـهـا
دايـم معزّبـك يـومـي بسـلـك الحـريـر = وإن لقـالــه طـراقـي .. تلّـهـا تلّـهـا
يجمع الشّعر والشعّار في جوف بيـر = والضـوامـي تحـامـي عـنـه ويعـلّـهـا
ميـر مـا كـلّ سيـر ٍ بالمداهـن يسـيـر = وأبــك حـنـاّ رجـــال ٍ ثـابــت ٍ دلّـهــا
بين مشلح طويل .. وبين مشلح قصير = مــانعـبـد البـشـوت ولا نـهـلـلّ لـهــا
معـك أمـانـه تبلّـغـه الـسـلام الكثـيـر = ودلّـتــه عـــن جـنـابـي قـلّــه يـزلّـهـا
وصّله بيـت واحـد مـن صميـم الضميـر = يكـفـي عــن البـيـوت الباقـيـه كلّـهـا
والله أنّي مـا أذمّـك يـا سمـو الأميـر = مير بعـض المدايـح منـت كفـوّ لّهـا