ابا ارحل علًّي القى لي بلاد اتقدر اوضاعي

[مفلح نجم الثبيتي]

احبك يابلا دي بس مافالجيب نص اريال
ابا ارحل علّيِ القى لي بلاد اتّقَدّر اوضاعي

اخاف الجوع يابلا دي يغير فيّ بعض احوال
واخاف الانتظار ان طال ماترضين بَطّباعي

قضيت العمر يابلادي وانا في مركبي رحال
مابين امواجك اوريحك تراخت قوة اشراعي

يقولون البلد مايحتميه الا زحول ارجال
تفانو لاجله الفرسان باالجمله وقطاعي

وانا اقول البلاد اللي تقيس الرجل بالاموال
ولاتسقيه من ديد الامومه مالها داعي
ابا فج الوسيعة والهدف لقمة تسد الحال
غني الله عن دارٍ هواها ليَّيةّ اذراعي

انا ادري يابلادي ماهو بكيفك هَذَ الموال
تولتك اللكلاب اللي كثر ما تاكل اجياعي

خدعك المنظر اللي يستر بجوفه ردى الانذال
وسلمتي مفاتيحك عليها السمع والطاعي

وضٍعنا يابلادي لين سرنا للرجول انعال
وسرتي بينهم سلعة لها شاري وبياعي

ابا ارحل واتَعَذّرّ بان ما فالجيب نص اريال
دخيلك يا بلادي عذريني كثرة اوجاعي