قصيدة في الشيخ غلاب بن خصيوي الردعي رحمه الله

[عبد الله بن عبد الرحمن ال]

مرثية اللواء /بندر بن غلاب الردعي في والده الشيخ غلاب بن خصيوي الردعي العتيبي يرحمه الله

مرحوم ياشيخ له البيت مدهال ***** حيل يقلطها مساء و ضحويه
عصر مضى بالناس عازه وغربال ***** ينصون بيته ورد حوض الضميه
البيت فندق بين عابر و نزال ***** بحي المعيقل في سكاكا العذيه
عشنا معه اطفال وصغار ورجال * **** ما تبرد الدله و له قهوجيه
هيبه وعزة نفس في كل الاحوال ***** وعن القبيله مايخفي الحميه
علوم يفصلها وتروى للاجيال ***** عن ماض ابوه وسيرة له جليَه
من دون حقه مسكت كل دجال ***** دانت لاخو سوده حماها اردعيه
فيها اشتهر غلاب في نجد وشمال ******* الاسم فارق واردات دليه
ماحط حيله في عمارات وسهال ****** هيل وبن مشرعات وكيه
في مجلسه كل القبايل لها دال ***** يختار قالاته بوزن ورويه
موثق قوله مع اشعار وامثال ****** يصدر الضميان مليا رويه
وحنا على امره بالمواجيب عمَال ******* تحت الاشاره في السنين القصيه
ردعان بالمجلس ثقال وعقَال ******* هم عزوتي هل العزوم القويه
اليا نخيت ادنى اردعيٍ بجوال ****** ** لبت جموع مثل قصف ابرديه
وفي حكم ال سعود صاف لنا البال ****** لهم الولاء في دولة سرمديه
نقطع شماله مع جنوبه بتجوال ****** الامن وارف والموارد نقيه