حمدان العضياني و عجاب الدغيلبي

[فهيد النفيعي]

السلام عليكم ورحمة الله وبركاته
محاورة بين عجاب الدغيلبي و حمدان العضياني
حمدان
وش راي عجاب ناخذمعه تال الليل طاروق,,,,ونعلمه بالعلوم اللي على الساحه جديده

الله يهين العــــــــــزوم البارده وانا ولددروق,,,,اللي تهرب لياقالو هــــــــــــذا يوم الوعيده

عجاب
الحرب قامت ولاني قايل المطرود ملحوق
علومها فالقناة وفالمجلة والجريدة

علم بها أخوك والدعوى زبيدي جنب رقروق
هذا المثل يحكي اللي صار والجملة مفيدة

حمدان
انا هجوسي جواهرمن ذهب والفـــــــكرصندوق,,,,صندوق فولاذ والرماي مايكسرحديده

العام حسني مبارك جالسن في عرش فاروق,,,,واليوم عايش بغبن ومهزله والله يزيده

عجاب
إن كان هاجسك وصفه هكذا مبدع ومرموق
تأكد أخاف هاجوسك كسر وزن القصيدة

كيف البطل يرجي الرفلاء يبي له قدر مرقوق
لكن مرقوقها عقب التعب عوّد عصيدة

حمدان
اللي سواتك يشوف ويستمع ويشم ويذوق,,,,وشلون يحتارعقله فالتجاريب الاكيده

مفتاح الارزاق في حكم الولي والعبدمرزوق,,,,الله ولاحوسة الرفلا وعيشتها النكيده

عجاب
غنيت لك طرق ياحمدان مير الطرق مطروق
غنابه البحتري وأنته على كيفك تعيده

أبغاك حر ٍ على النوماس دايم نظرته فوق
ما أبغاك ضب ٍ ليا من جاع يأكل من رديده
رصيدحمدان يغن البورصه ويربح السوق,,,,والبحــــــــــتري مانبا لوقرش واحدمن رصيده

حمدان
خل المعاني صقورًطلعها في راس شاهوق,,,,صاحبك يرفع هوى نفسه ونظراته بعيده
حمدان يكشخ ببشته والوكاد البشت مسروق
قالوا لي البشت سابق كان لمطوع بريدة

بشكيه للضيط لأجل إنه يكب السرق والبوق
يطلع سنافي بعد مايدبه هاك الوليدة

حمدان
ماتنقبل حجتك فالشرع يوم الدقن محلوق,,,,والبشت ملبوس جدي وانشد مطيروعبيده

اللي يصبح مضاعين البدو ويسوقها سوق,,,,الله يبيــحه وابن منعرعسى الله مايعيده

عجاب
فالوازعيه لكن الغرب جاء من يمه عروق
غذتك ولياك ملحد فالأصول وفالعقيدة

حنا غزينا على وضح النقاء والمكسب النوق
الكسب نوماس للسـّبار وألاّ للقعيدة

آخر تعديل فهيد النفيعي يوم 05-Apr-2012 في 02:35 AM.