حد اليقين .. !!

[سعد المسـعودي]

.. نص أقل مايقال عنه متواضع ..
آمل إن يجد ولو القليل من الإستحسان ...

...

للذاهبه مذهب ولاجيت نشاد = فرقت ميسم قسمها فالمهادي
خطام ريمه لاعصت كيف ينقاد = وفالدرب ممشاها يجيك متحادي
حد اليقين اللي قطع شــك وعناد = البيض تفرق عن وجيه السوادي
يرمي يموم أهدافها كل قصـاد = ورووس الفتايل قدحها من زنادي
وتبقى المثايل مرجع ٍ عند الأسياد = يضرب مثلها والمصادر وكادي
وتبا حمايض قولها عند الأجواد = غلايق ٍ ماعرضت للمزادي
اللي يجنّب عرّفها كل نقـاد = لامستفيد ٍ به ولاهوب فادي
لاحاز ريم الجول .. ماهوب صياد = لاعدة ٍ تذخر ولامن عتادي
لابارد ٍ جوفه ولامرو ٍ أكباد = ماجوّدت بحبال عز ومبادي
فصيلة ٍ من دمها سم الأجساد = يجري بها من ساس عرق الفسادي
ومن لازمت به فالطليعه للأشهاد= يرتاح عنها تحت ظل وبرادي
طير الوحش من عزة النفس زهاد = أما حياة العز ولاّ النفادي
شريعته ماترتضي سبق ومهاد = وتميمة أسمه ماذبحها المنادي
لو إن للسلطه قوانين وسناد = رووس الوطا ماشرهت فالقيادي
العد مروي للظما كل وراد = ولاسد من دون المواريد وادي
ولو يحتكم برج الحمايه والأرصاد = على مغازي فكرنا والمرادي
كم واحد ٍ يعفّا معاليه ماعاد = ينحي وغيره للمكانه ريادي
ياطامع ٍ حبل الرسن مالك شداد = دون المسام وهقوتك فالشدادي
ولايثمر المعروف في بطن جحاد = ماسندت في دولها للسنادي
مجهود عرف وعن مناحيه الأبعاد = أبديت والمكنون سر أجتهادي

أخوكم : الحرالأشقر

التوقيع