زيت زيتون .. !

[جمال منير]

.
.
.
السلام عليكم ,,

لاباس يا راسي ولو صابك احزون=لاضاق صدرك ماتضيق الفياضي
عزاك بالخلاّق ومدبّر الكون =اللي رفع سبع وبسط سبع أراضي
الناس ماتنفع ولاهم يضرّون= براق صيفٍ شع نوره واناضي
كم مادحٍ نفسه وهو ماش من لون= يقول انا شيخٍ وللحق قاضي
يبغى الرفاع ولا رفع غير قيلون= ماله مع أهل العرف حاضر وماضي
وصفه ليا وصفّته أوصاف جالون= صوت اظهره رنّان والبطن فاضي
كذّاب ومنافق وفالازم يخون =وإليا نخيته جاه فالعظم شاظي
مثل البطاقه بالسواليف مشحون= وسوالفه مثل البحر ماتغاضي
قلّنا وقالوا والأوادم يقولون= شيٍ طوال وشي منها عراضي
دايم وهو من دون في دون في دون= أسود وجه والقلب مابه بياضي
قسمه ليا حطّ الشحم زيت زيتون=يرضيه .. وادري عنه بالحيل راضي !

وسلامتكم ,,