قصيده للامير تركي بن حميد

[مطلق الشيباني]

قصيده للامير تركي بن حميد واتمنى ان تعجبكم ؟


البارحه بالنوم كنّى مورا

جا حلم ليل يوم عبّر ولاشيف

اونست هاجوس على الصدر مراّ

منه الفواد معلّق بالمخاطيف

وابدى كنين الروح داخل وبرّا

من نقض مايفتل وفتل بتكليف

يارازق اللى فى رجاك يتحرّا

من مدّ جودك ياوسيع المحاريف

ان جت من الله ماعدويضرّا

زوليا ادبرت قلت دبور المصاريف

مادون ربك واحد لك يسرّا

للرب حكمه بالمعانى وتصريف

قم يامحمد سوّ حلو ومرا

رسم الى جوك النشاما هل الكيف

مع منسف حول المناره يجرّا

واشناق حيل صفوها له ذواريف

واعمل بخير ولا تجازى بشرّا


وارجى الفرج من عند والىالمصاريف

واجهد بتقوى الله لدار المقرا

العبد طرقىّ ركابه مناكيف

دنياك لو زانت تراها مغرّا

دنيا خراب ولا عليها تحاسيف

فيها لبيب العقل ما يستغرّا

لو امهلت لابد رحله وتخفيف

اخشع تواضع لا تكبّر تزرّا

زما شفت ميلات الليالى مراديف

ورفيقك الغالى منه لاتبرّا

ادمح خطاه اللى تعبّث عجاريف

يشرب معك صافى وكدر ومرّا

ويرد معك حوض المنايا الى عيف

نوب تذرّى به ونوب يتذرّا

عديل عمرك باليالى الشفاشيف

جر القلم واكتب لنا اللى تورّا

سلام احلى من حليب المشاغيف

منّى لمن تابع هوى كل غرّا

شيخ يروّى بالملاقى شبا السيف

زيزوم غلبا كل يوم تجرّا

واطرافها تاطا الغبا والمشاريف

ذولى يسرّحهن وذولى تسرّا

وذولى مغيرات وذولى مناكيف

والى عدا باللى عدا فيه غرّا

.بر بع على قحص المهار المزاغيف

سلاحهم شغل العجم والمجرّا

ودهم الفرنج مفرّقات المواليف

وصلّوا على المختار والصحب طرّ!ا

ماهبت الانسام من رايح الصيف


وسلامتكم



مع تحيات :- مطلق الشيباني.................