ياالله عفوك يوم الارياق يباس _بدر القوس

[الرااقي]

لاوالله الا صار بالقلب هوجاس
احس في قلبي هجوسن كثيره

والعلم عند اللي خلق جملت الناس
الخالق المعبود مارب غيره

العالم اللي خالقن كل الاجناس
الكون في علمه بحكمه يديره

البارحه ماغمض الجفن بنعاس
سبحان من يعلم جميع السريره

اللي تذكرنا ودقن الاجراس
وهاضت هجوس القلب من كل ديره

وذكرت بيتن كاتمن كل الانفاس
ولاعاد ندري وين باق المسيره

الياذكرته قمت والناس غطاس
ودنياي صارت في عيوني حقيره

احس في قلبي مثل حد الامواس
من خوف ربي والمعاصي كبيره

ومن رحمت المعبود مانقطع الياس
اللي علي كل المخاليق خيره

ويالله عفوك يوم الارياق يباس
يوم الحساب ويوم قطع الذخيره

ومن لاتزود قبل لايدفن الراس
اعلم ترا الدنيا مداه قصيره

كم واحدن يعمل ويرجع بالافلاس
العبد مايعلم باقي مصيره

خلك علي التقوى لك فراش ولباس
واتبع طريق السنه المستنيره

العبد عقله فيه تفكير وحساس
ونظر بشكل الكوره المستدير

وبيتن بلاعمدان ويضا بلاساس
تسكن تحت ضله جموعن غفيره

سبحان من سوا لحيك والاضراس
ولسانك اللي مثل قدح الضفيره

ويالعبد قيس ماذكرناه بقياس
وحسب ليومن فيه نارن سعيره