الايالطيور الطائره

[منبر اعلامي]

بسم الله الرحمن الرحيم

ألا يالطيور الطايـره غـردي بالحـان=وحومي على الطايف عصروأقربي مني
أبعطيك من عندي رساله لهـا عنـوان=وعنوانها هـم علـى القلـب طاعنـي
ضروفي وهمي والقـدر كنهـم جيـران=تقول أنهم جيران لي من صغـر سنـي
ولاقلت بكـره تنتهـي لا لقيـت فـلان=كثيـر الـذي عرفتهـم خيبـو ظـنـي
ولا أحب أعممها على سايـر العربـان=لاشك الذي شفته مـن البعـض غابنـي
ألوم الزمان ومن يلوم الزمـن غلطـان=حداني على لوم الزمـن قلـب متعنـي
ليا جيت أعدلها على وضعها اللي كـان=أشوف العلوم أكبـار والوضـع متدنـي
وجودي على اللي شوفهم يروي العطشان=على ذكرهم ياعيس لامن طـروا حنـي
أحب الكريم اللي يدني عشـا الضيفـان=ومشروبهم فـي بيتـه الهيـل والبنـي
واحب الخوي اللي على خوتـي شفقـان=يكفينـي أنـه لاذكـرنـي نشدعـنـي
وأحب الفياض الواسعه لاغدت ريظـان=وريح النفل لافـاح فنـن علـى فنـي
ونوض البروق يسلي الخاطر الزعـلان=ليـالاح بـراق الحيـا والرعـد دنـي
تمنيت شوف اللي ذكرتـه وأنـا قنعـان=وغصن الرجا في بحر الاحلام متثنـي
وأبختم كلامي باسم ربي عضيم الشـان=جزيل العطايا خالـق الانـس والجنـي
وأصلي على طه النبي من نسل عدنـان=نبـي لسنتـه المخـا لـيـق تستـنـي

الشاعر (السـ آآآآآآري )