يادارنا يامهبط الوحي والنور=امجادنا يادار محدٍ وصلها
من يوم ابو تركي بنى الساس والسور=وجمع على درب الهدى شمل اهلها
وتاريخها بالمجد حافل ومشهور=ومية عام اللي مضت تشهد الها
لاحاربت حقٍ ولا ناصرت جور=ولاصفقت لاهل الجهل من جهلها
دارٍلها القران منهج ودستور=من فضل من ارزاق خلقه كفلها
حكم بها من يحسن الراي والشور=حكامٍ الاسلام منهج عملها
عبالعزيز وعقبه ابناءه بالدور=الكل منهم بالرعايه شملها
خلوا صحاريها بساتين ونهور=مثل الرياض اللي تعاقب نفلها
هي دارنا اللي دونها الروح منذور=وهي امنا اللي ما يجينا بدلها
امٍٍ سقتنا الدر من مشة الزور=نرضى ونزعل كلنا من زعلها