قاتل القذافي شاب ليبي عمره 18 عاماً

[(مہودع دنہيأهہ)]

المشاركة الأصلية كتبت بواسطة سويلم الشيباني

من اللي قالك هالكلام يامودع

انشد عن بعيجان الشيباني من الفهيدات رئيس الشيابين في سوريا والاردن فيها غويلب الشيباني من روس ربعه هناك ومصر اخذ الرحالة الالماني اسم الشيخ عبيد بن حمود الشيباني نسبه كامل وموثق في الكتب والعراق فيه كذلك عبدلي من الشيابين من روس ربعه هناك جاء للشيابين ربعه في الرياض وحطوا له عزيمة قبل 30 سنة وكساب الشيباني في امريكة تاجر من شيابين عتيبة كل يعرف سالفته

والشيابين بدو رحل مثلهم مثل غيرهم قبل اقامة الحدود يروحون خارج الجزيرة العربية وداخلها كيف تقول مالهم هجرات خارج الجزيرة العربية؟

أخوي سويلم.

القبايل اللي هاجرت لشمال أفرقيا هاجرت في وقت قديم جداً وكانت بسب حاكم كان يبا يفتك من بعض القبايل اللي كانت تشكل خطر عليه.والهجر الثانيه صاارت في عهد الفتوحات الإسلاميه وهاذي الهجر كلها صااارت قبل ما يضهر لا أسم الشيابين ولا عتيبه.واما عن الاردن فونا أخوك هاذي دوبها في وقت قريب هاجر بعض الاشخاص من عدة قبايل من عتيبه ومن غيرها من الموالين للشريف بعد ما أسقط حكمه وراح للأردن وبعضهم بقا معهم وبعضهم رااح وعود.واما عن كساب اللي تقول عنه فونا أخوك هذي مسائل فرديه ماتعتبر هجر.وماهو كساب الوحيد اللي من عتيبه تغرب برااء وعاش برااء كثير وانا أعرف واحد له عند الخوااجه سنين ولا له نيه يعود فهاذي وانا اخوك ماتعتبر هجرة قبايل كلها أشياء فرديه.واما عن البدو الرحل فنا معك وانا أخوك صح إن القبايل ضاري رحل من ديره لديره لاكن لها حدود ماتتعداها ولا عمرنا سمعنا قبيله من نجد أو الحجاز تربع في العراق ولا قطر ولا غيرها لا فئقرب الاماكن لها تربع فيها وتحارب القبايل دونها .وهذه الشيباني اللي قتل القذافي مواطن ليبي باين إنه مواطن لبيبي أبن عن جد ولا أضن إنه عتيبي.وبعدين كثير من القبايل العربيه أسمهم شيابين.وأقربه بني شيبان بن بكر بن وايل قبيله جاهليه معرووفه ومنها الإمام أحمد بن حنبل الشيباني.وغيرها وااجد فالمسئله هنا كلها تشاابه أسماء فقط.وهذه الكلام ماقلته إنتقاص من الشيابين لا والله حشى لاكن عشااني داري إن هذه الشيباني ماهو منا ولا ابا العرب بكرة النهار تطقطق علينا وتقول حتى في موت القذافي ماسلمنا من هياطهم.