قصيدة للواء سلطان بن سعد العصيمي

[ضاوي العصيمي]

هذه القصيدة مهداة للواء / سلطان بن سعد العصيمي بمناسبة ترقيته
واتمنى له التوفيق وعقبال فريق ان شاء الله

المجد مايظفر به الا اهل العزم=يحتاج قرم مايهاب اليا نوا
سوات سلطان العصيمي لاحتزم=من كل هامة طيب ياخذ ماهتوا
لولا لتفاني والنزاهه والحزم=وطيب السجايا ماوصل رتبة لوا
عداد نوٍ فيه رعاده رزم=مبروك للي لابغا الحاجه قوا
اللي ليامن صارت الدعوا كزم=مافيه عين الا يذر ابها الدوا
ابو سعد لاجا المواجه مانهزم=واليا ورد للماء بيمناه ارتوا
تخزم خشوم اخصامه افعاله خزم=ويجوّد الكيه ليا منه كوا
من خلقته كفه يجود بما لزم=كريم سبلا مايحالي له سوا
هداج تيما اللي بماه يزم زم=وهداج ماتشبه له عيون الجوا
يميزه في منصبه حزم وجزم=ماهوب يمشيها على حسب الهوا
لجل الوطن عاهد وبالعهد التزم=ونال الثقه والنور له بان وضوا
واجتاز والحاسد على السانه بزم=بعد الغرور اسوّد وجهه والتوا
الحر يطلع والقزم يبقى قزم=لو يرفعه جزاع لافكه ثوا
والمجد يفخر بالعصيمي لاحتزم=اللي على وضح النقا علق لوا

التوقيع

يسعدني زيارتكم لصفحتي على تويتر على هذا الرابط https://twitter.com/#!/dawi_1 وياهلابكم جميعا

آخر تعديل ضاوي العصيمي يوم 15-Oct-2011 في 06:18 PM.