هذه المحاورة بين الشاعرين/ محمد بن عبيد الربيقي الحربي و حبيب العازمي
في حفلة الشيخ/ تركي بن نحيت بالفوارة بتاريخ19/11/1428هـ0
محمد الربيقي
هلا يامرحبا ترحيبةٍ مضمونهـا التقديـر=بكل الحاضرين بحفل من جينا على شانـه
حبيب جابه الله فالقصيم و قلت فرصة خير=نبأ بعض العلوم إذا وقف يجعلهـا خانـه
حبيب العازمي
يدوم إلك البقاء حصل اللقاءو اللي يصير يصير=لكنـك شـب ضـوك لايقـوم يزيـد دخانـه
اروح لكل ديره و أتحـدث و أحسـن التعبيـر=و أنا مانـي براعـي كلمـةٍ ماهـي بمليانـه
محمد الربيقي
حبيب ياحبيب وش حصل فالماقـف الاخيـر=يقولون الكتاب محرفٍ فـي نـص عنوانـه
و انا لاقمت ما افكر بوزن الصفر و القصدير=أفكر فالبحـر و أجيـب لولـوه و مرجانـه
حبيب العازمي
ترى كل الكتب فيها تلاحظ نسبـة التزويـر=لكنـي ماقريـت إلا كتـاب الله سبحـانـه
من أول يجلب التاجر من المرجان حمل بعير=لكن اليوم دوب أن البعيـر يجيـك ببطانـه
محمد الربيقي
أظن المشكلة يالعازمي بالبث و التصويـر=ولو مافيه دعوى ماتعـذر ريـس الدانـه
ترى اللي راح راح ولاتعده . لو تعده غير=عليك أنك تراعي في وطنك و حال سكانه
حبيب العازمي
نعم هذا السنة حتى العلف يخلط ذره و شعير=على قول المثل هوشة حضر كلاً في دكانـه
و ألا ياطير لو يكثر عليك الريش و أنته طير=تخاف من العقاب و من مخاليبه و جنحانـه
محمد الربيقي
ترى مالك ياكود أتردها في مكتـب التاجيـر=و قل بكره تجي من فضل رب البيت و احسانه
حبيب ياحبيـب عقـب ماشفنـاك بالتطويـر=ترى بعض الكلام يجوز ذكره مثـل نسيانـه
و سلامة الجميع ....
ارجوا من ابو فايح و الاخوان المحللين تحليل هذه المحاورة .. و دمتم بخير
« آخـــر الـــمـــشـــاركــــات »
02-Oct-2011, 12:12 PM
حبيب العازمي و محمد الربيقي ( مطلوب تحليل المحاورة من ابو فايح و بقية المحللين)
العرض الشجري