مقتطفات لشاعر : محمد ابن حديد العضياني

[راعي الشوشلية]

1

أشرقت مـن يمة الغرب وتذكرت الشهاده =أحسب انه يومنا الموعود واثره نور خلي
اربكتني واجتمع في خاطري هم وسعاده =وادركتني دمعة الفرحه وروعة ماحصـلي
اندهشت بماقفي مالي على الرجلين اراده=كل ماسقت القدم ملي رجع تسعين ملي

2

ملاك رسمها مالك الملك وابدعهـا=جعلها آيه في غاية الحسن والروعه
من اقدام رجليها ليا حـد مفرعهـا=خلقها من احسن خلق ماقد خلق نوعه
تفنن بصورتهـا وزيـن طبايعهـا=طبايع صغير السن حلوه ودلوعـه
اليا طالعت تخجل عيوني تطالعهـا=يطيح النظر لو نظرة العين مرفوعه
اليا سولفت كلٍ سكت ليـن يسمعهـا=ولو سولفت بالشرق ينحل موضوعه
يقوم الصغير اليا أشرت له ويتبعها=لو انه على الدنيا ماكمـل اسبوعـه

3

فارقتها ودموع عيني على الخد=وانهلت العبرات منـي ومنهـا
لولا الظروف وحاديٍ حدني حد=ما أفارق ديارٍ وليفـي سكنهـا
في قربها يرتاح قلبي ويسعـد=واحس بالغربة ليا ابعدت عنها
والغربة اللي بيننا مالهـا حـد=وان بعيدٍ موطني عن وطنهـا
حبيتها حب مَزِح وانقلب جـد=غلطة لسان و راح قلبي ثمنهـا
سلمتها قلبـي وحملتـه الـود=وسلطانها فالروح يامر وينهـا