مقتل مقيم مصري في موكب أحد الشخصيات الإجتماعيه بالطائف

[(مہودع دنہيأهہ)]

المشاركة الأصلية كتبت بواسطة حمود بن خيشوم العصيمي

القصه التي رواها لي أحد اقارب الشاب المطارد تختلف قليلا عما ذكر فقد قال لي :
كان الشاب داخل لحي الفيصليه بالحويه حيث يقيم جماعته الشجاعين العصمه صيوان معايده وعند مروره بجوار ميدان الفروسيه صادف مرور خيل وخلفها سياره ترافقها في التمرين وكأن الشاب أثناء مروره بجوار أحد الخيل إنشغل بعمل ما جوال او شماغ فانحرفت السياره قليلا جهة الخيل فغضب المسؤول المرافق للخيل وطلب من من معه مطاردة السياره وتأديب السائق لانه اقترب قليلا من أحد الخيول في صباح يوم العيد فحدثت المطارده وهجموا على صيوان المواطنين بعد أن دخل به إبنهم وحدث الحادث ولابد لدى المسؤولين العلم المؤكد بتفاصيل الحدث

يا أخوي انا سمعت العلم من واحد عصيمي من الشجاعين وفيه قرابه من الرجال.

وهي تختلف شوي عن واحد من الردود اللي ردت على الموضوع فالجريده.وتختلف عن اللي قلته أنت بشي بسيط لأن العلم اللي جاني إن المسؤل وموكبه على مواتر وضيقو عليه فالخط وددق علاهم بالبواري ومشى وقامو لحقوه وصار اللي صار.لاكن خلنا نقول علمك أو العلم اللي سمعته انا او اللي جاء فالجريده والردود.هل الشطفه اللي ماهي بمقصوده أو لو حتى((مقصوده))تبرر له إنه يخش جوت الحوش والصيوان بحرس مصاريه وتكارين ويغلط على كل الحاضرين سواء من عواده وشباب من دون لا يحترم حرمة البيت اللي هو فيه؟؟؟وين حرمة البيت ووين مرعات كرامة النااااس.ولعلمك بس تراء الرجال ما طلق بالرشاش إلا بعد الهوشه لأن يوم زودها فالغلط قام عليه واحد من الشيبان اللي يعطيه العاافيه وهاش عليه ثم هرج عبيده وقال أمسكوه عشان يبا يضرب العود وقامو اللي الحاضرين ودافعو عن العود اللي يبا يحافض على كرامته وقامت الهوشه ثم إنغبن الرجال وأضهر الرشاش وحول علاهم وهجو نصهم وكتب الله إن تكون نهاية المصري على يد هذه الرجال.(إمكن تكون عبره ودرس للمسؤل يتعلم منها إن لناس كرامه ما يسمحون لأحد يتعدى عليها.ولعلمك بعد فيه أكثر من كور تنوم بالمستشفى طبعاً(من الضرب اللي جاه من القطلّ والمداق)هذه حسب ما سمعت.



على العموم الله يعطيك العاافيه ولايهينك على المرور.