متــــى يجــــي عشــــرين وآجــــيك مــــيتين ( 200 )

[طلال ناشي]

بعد التحية

للجميع

متى يجي عشرين وآجيك ميتين = البنز جاهز والدراهم كثيره
خمس أميه وستين وآحد وتسعين = يطرب مزمرت المزامر زفيره
مركب سلاطين الجزيره هاك الحين = شف العشير اللي بعدٍ عشيره
تنصابه الأجواد ويسدد الدين = ما ساقه الجمال تابع بعيره
أليا آستوى فالخط والليل ليلين = يمسي بديره ثم يصبح بديره
أن فكه الله من عيون الشياطين = سلمت لا يقطع مع الخط سيره
ما شح فيه اللي عسى فاله الزين = ماجد ليا بار القصير بقصيره
يفزع ليا عمست سمَي الرباعين = زيزوم صعبات الامور الكبيره
يرخي عضوده للحمايل بليهين = يومن راع الفرت عود يديره
سليل عودٍ ينطح الموجبه لين = يوفي لوازمها ويشفي ضميره
أبوي يومن الردي ليم الظين = للمال مارد اليدين الفقيره
يذبح لضيف الله ويعط المساكين = وآطرف حلاله للمصيح ذخيره
الله يطول عمره آيام وسنين = يدمح خطا مخراز ويزيد خيره
لالاه ما عشنا كرامٍ عزيزين = ولا جالنا بين المخاليق سيره
يا شوقي اللي بين كل المزايين = ياول غرامٍ في فؤادي وآخيره
الشوق في قلبي يرف الجناحين = الله يستر لا يطير أبمطيره
ما رحت أدور من بنات العجالين = ألا آنت يا عطر الفؤاد وعبيره
يومن غيرك ثمنوه أبثمانين = ثمنك روحي والطويله قصيره
قيمتك عنها يقصرن الملايين = ياروح روحي والرحى مستديره
يومن غيري معمين عينه الدين = أنت أبركة عشق المشاعر وآميره
يا غلآ غرامٍ في حيات المحبين = يا حبي اللي ما خلق حب غيره
يا نعنبو فرقاك يا داعج العين = في ساعة الفرقى تظيع البصيره

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com