ماهي بسوق البيع

[نشمي مقعد نايف العتيبي]

كثير مانرى ونسمع عن شعراء اثرياء اشتروا الشعر بالمال

88888888888888888888888

الشعر احساس شاعر ترجمه بشكل او باخر ليستطيع ان

يوضح مايدور بداخلهه للمتلقي

مشاعر صادقه وليست سلعة للبيع


اتمنى ان تجد رضاكم

ماهي بسوق البيع ياباغِ الاشعار = ياللي جزيل الشعر مني تسومه
الشعر عندي در من عمق الابحار = صعب ٍ على مثلك وتجهل علومه
وإن كان تعرف ناس للشعر تجار =تلقى عميلك كان شعره ترومه
يعرض لك الموجود عنده وتختار = مايبلش الغسال كثرة إهدومه
ناسٍ خبول وصارت اليوم شعار = من كثر دفع المال بس إمخدومه
ذولي لهم حلقه وكبره ومضمار = وحراج فرد وبيع جمله وكومه
صك اتصالك جاتني جملة افكار = راس الهرم صعب ٍ لمثلك يهومه
الشعر تاريخ العرب سيرة احرار =ميراث وقت ٍ راح واقفت إرسومه
والشعر سيرة متعب ٍ قحص الامهار = مؤسس لنا دولة كيان وحكومه
الدوله اللي خيرها عم الاقطار =مهبط وحي وامن ٍ عسى الله يدومه
من دونها شعري براكين وإعصار = وفي حقها شعري يضفي إكمومه
والشعر هو تفريج فكري اليا احتار = ليا دار هاجوسي وكثرة إهمومه
إما وصايا والد ٍ عاطف بار = يوصيك في دينك وبام ٍ رحومه
واللا وصية ركعتين ٍ بالاسحار = قبل شعاع الشمس يخفي إنجومه
والا بوصف ادلال تجذى على النار = في مجلس ٍ مدهال جلسه وقومه
رمز الكرم معنى الوفا طيب الاذكار = عز الرجال اللي بنوله إرجومه
وفي عشرة الطيب وفي جيرة الجار = هذا مجال الشعر واجزل إعلومه
واللا غزل في شمعة الحي والدار = فيها خشون الشعر يصبح نعومه
الجادل اللي مبعده عن هل العار = مأخذ شيوخ عن الرذال إمحشومه
جيل ٍ توارث جيل غايب وحضار = الحر حر وغاذي البوم بومه
لاتتصل ياتايه الفكر تكرار = نيتك شانت والبيوت إمهدمه
شعري واله عندي معزه ومقدار = هو عقب هذا كيف شعري تسومه

آخر تعديل نشمي مقعد نايف العتيبي يوم 09-Aug-2011 في 05:08 PM.