( شهر رمضان ) . هاذا الشهر شهر العباده والايمان .. فيه العفو والمغفره والتراضي

[سعود بن عيد العضيله]

السلام عليكم ورحمة الله وكل عام والجميع بخير
ابيات اخترتها تناسب هذا الشهر الكريم :

هذا الشهر شهر العباده والايمان=فيه العفو والمغفره والتراضي
وهذا الشهر ماينوجد فيه شيطان=وتنزل ملايكة السما للاراضي
وهذا الشهر نزل به الله قران = وراح السواد وجا بداله بياضي
ماهو شهر توزيع لوحات واعلان = لمرشح المجلس ودورة رياضي
وماهو شهرمسلسل وصوت هبان=البنت مطيوره وابوالبنت قاضي
ولاهو فوازير وسخافات فنان = وبرنامج ن يجي عليه اعتراضي
والمشكله اللي تشاهد بالاعيان=المسجد اللي فوقه الخير ناضي
اول ثلاث ايام نلقاه مليان = واخر ثلاث ايام نلقاه فاضي
صوموا وصلوا واعبدوا عالي الشان =قبل يروح الشهر سوق ومقاضي

للشاعر / تركي الديحاني المطيري