الحقبقه مايعذرب بالرجال الا الحثاله

[مهجرس]

هذه محاورة جرت بين الشاعرين / محمد بن عبيد الربيقي الحربي

و الشاعر / عبد الله الميزاني المطيري( سوار الذهب )

محمد عبيد
ياصفوف اللعب ابن ميزان في جيبه رساله
والحقيقه لو بغاها بالنهايه ماوجدها

له ثمان سنين مدري ويش علمه وش مجاله
والجبال اللي يفتش في حصاها كم عددها



سوار الذهب
أنت شرقي تشرب الفنجال وتكب البياله
ضلعها مدري يبين برجلها والا بيدها

ويش ابأخذ منك ياعصر التخلف والجهاله
امكم يالله مع الله ولد ماهو ولدها



محمد عبيد
معجبك مهد الذهب يوم الذهب غطا جباله
وإن نسيت الأولات التاليات أمر وأدها

المطيري يوم ورد حجته ماهو لحاله
حجته نقطه على القرطاس والسبحه سندها



سوار الذهب
الصحيح اللي يعلمنا عن الحربي خباله
مايعرف العافيه غير المريض اللي فقدها

ياعسى ميقاعها بذياب والا في عياله
مايعلم عن مجم البير غير اللي وردها



محمد عبيد
الحقبقه مايعذرب بالرجال الا الحثاله
والأوادم شرها من بغضها وإلا حسدها

خلها تسري وشف غير القديم من الوكاله
البيوت اليا تحرك ساسها تكسر عمدها



سوار الذهب
ياصلاه بلا سجود وصل ياراعي صلاله
المخيله خيلت واقبل على رأسك رعدها

انكسر غصن البشام اللي يضللكم ضلاله
والحروب حروب لو إن البلد ماهو بلدها
محمد عبيد



كبروا صفين من دونه ويعني كم بقاله
المطيري عقب هاذي لا ورها لا بعدها