حصرياً لمنتدى قبيلة عتيبه لقاء مع شاعر المليون محمد الحويماني.!!

[أبو مرحبا]

أخواني الأعزاء أعضاء وزوار منتدى قبيلة عتيبه الهيلا

عدنا من جديد لكم

ويملاءنا الأمل ان تكون عودتنا مميزه بتميز ضيفنا لهذا اليوم

شخصية تتصف بالتواضع والاخلاق والعطاء

وعذوبة الشعر وجزالة المعنى

أسعدنا كثيراً بقصائدة الراقيه

ولقب بـ صقر الشعر



شاعرنا هو : محمد الحويماني


نشكر شاعرنا على قبول الدعوه والمشاركة معنا والرد على جميع أستفسارات أخوانه الاعضاء

مقتطفات لبعض جزالة الشاعر محمد الحويماني

أتمنى أن تنال على أعجابكم


ليت الورق يقرا وش اللي كتب فيه ..
و ليت القلم يدري وش اللي جرا به ..//

ان كان ما تمسي فـ صدري مشاريه ..
و لا اتضايق لو تضيق الرحابــــه ..//

وا. صوتي اللي عجزت الناس توحيه ..
غريب يوم اصوات غيري تشابــه ..//

البيت بيتك و المواري مـواريـه ..
لـكـن كـبـرت و لا كـبـر مـعــك بــابــه ..//

و الناي لو نقض جروحك بـ أغانيه ..
جـروح غـيــرك نـقـضـــتـهـا ربــابـــه ..//

ما هو يتيم ان كنت انا اللي مغنيه ..
و لا هـو فـقـير ان كان جرحي زهابه ..//

و الغايب اللي يغري الشعر طاريه ..
مـا قــل قــدره لــو يطَــول غـيـابــه ..//

كم لي و انا احث القصايد تخليه ..
حتـى تلاشـت رغـبـتـي في الكتابـه ..//

و الشعر لو يفقد حروفه و اساميه ..
مـدري وش اللـي بعـدها ينبغابــه ..//

احترت بين اعتب عليه و اراضيه ..
اخـــاف لا يـجـرح رضــــاه بـ عـتــابــه ..//

أحيان أقول آبيـهـ , و أحيان ماآبيـهـ ..
الا ابــيـه و لـو يـــــبــي لـي عـذابــه ..//

يـ اللي تجونه دامني مااقدر آجيه ..
وصــوا ذهـابه .. لا يـشح بــ ايـابـه ..//

و قولوا له اني من كثر ماني أغليه ..
اشـرب ســرابـه و ارتوي من سرابه ..//

و على كثر ماانسى اذا قلت ناسيه ..
دار الــزمان و جــاب عشقــه و جـابـه ..//

حنيت لـ أيامه و ضحكت لياليه ..
قـبـلـه و بـعــده كــل وقـتــي رتـابـه ..//

ان لمت قلبي عاقبتني محانيه ..
و ان قـلـت أبرضا عـز نفسي رقابـه ..//

البارحه كنت اكسر الروح و انهيه ..
كان الـورق ارض و عيـــوني سحابـه ..//

زرعت مااحبه ولا عاد لي فيه ..
و جنـيـت احـبــه لو يطـول غـيـابه ..//



::::::::::::::::::::::::::::::::::::::::::::



هذه بعض الابيات تم اقتطافها من جزالة شاعرنا محمد الحويماني/



هذاك دمعي وكنه صار بأسبابك//يجفى عيوني وروح ينتخي قربك

وهذاك صوت رميته ساعة غياب//حتى صداه استخار وهج مع دربك


:::::::::::::::::::::::::::::::


تعالي يالسنين الاوله.. يالمقبله فوتي//نعيد أيامنا «طبعا» من آخرها الى أولها

علشان اليدين اللي تحرضني على موتي//تقدر موقفي لا من رفضت اني أموت لها!!


:::::::::::::::::::::::::::::


احترت يا صاح في بوحي وكتماني//وأزريت حتى المس المضمون بيديني

أنا الغريب وتعبت اشتاق لأوطاني//ذكرت ربعي نهار.. وجيت ناسيني!!






يحق لك تعتب علي وتشره//مع إني ادمح زلتك ما تشرهت

لاني ادري لو تشرهت مره//عليك تكبر شرهتي ما تنبهت





من غبت والناس كن نفوسها قشرا//الطفهم اللي كسر روحي وهلابي

الجرح يبرا لو ان الوقت ما يبرى//شف وقتي اللي خذلني ويش سوى بي






الشعر ذنبه كبير وزلته زله//يارب ترضى علي وتغفر ذنوبي

أمسيت مثل الكبير اللي غدا دله//وأصبحت مثل الصغير ابين عيوبي






جيت أعشم بردنا.. بالصيف لكن..//الفصول الاربعة.. برد ورتابه!!

أهـ لا صار الغلا بالجرح ساكن//والخناجر كلها.. ربع وقرابه!!





يا عيد تدري وش اللي مر في بالي//خلاني اعتق رقاب الدمع في عيني

اصحابي اللي بعد ما بارت احوالي//ما منهم اللي نشدني وش جرى فيني!!






أقفيت واشباه الاوادم لهم رمس//شحوا علي بضحكة ما لها قيد

طاح الشجر في ذمتي طاح والشمس//توجع ولابه غير ظلي.. على البيد




أغيب لكن لا حضرت وتكلمت//داريت شرهة غيبتي في حضوري

أنا الذي عن منة أنوارهم شمت//وكم واحدٍ يبغى يجي تحت نوري



تمنياتي للجميع التوفيق

أخوكم: أبو مرحبا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي