جعل السحاب الي ترزم قنيفه = يسق الينوفي لين يملا ردفها
يسقي مراتع كل ملحا [ن] سهيفه = عقب الهجل تسمن و يبعد هجفها
ديرة بني عمي حماة المخيفه = اهل السلوم الي يشرف شرفها
كل [ن] مدح ربعه ويمدح بكيفه = وامدح عتيبه و الرحال تعرفها
الضيف ليا جانا يبادر بضيفه = نجدية [ن] زود شحمها علفها
و ذباحة الابل فالسنين العجيفه = تشبع مساكين العرب في صحفها
و كيف [ن] يقلط فالدلال النظيفه = يزين خنة هيلها مع ليفها
و ليا غزى الحاكم و خلف خليفه = غاز[ن[ علينا والوصايف وصفها
نحد قومه لين ترجع معيفه = روس الشيوخ عن المتون نحذفها
ابن رشيد و باشته مع شريفه = من فعلنا اكلت الحنادي جيفها
وال السعود الي سيرهم شريفه = كم و قعت[ن] فيها كسرنا عطفها
اخذ الكلام و سجله فالصحيفه = كلمة عتيبي[ن]و يحمئ هدفها
ماقلتها و ابغئ وراها و ظيفه = و من عز نفسه ما يسقط شرفها
الشاعر عمر نايف عقاب الكسر المرشدي
آخر تعديل سلمان المرشدي يوم 23-Jun-2011 في 01:18 PM.
« آخـــر الـــمـــشـــاركــــات »
23-Jun-2011, 01:04 PM
العرض الشجري