هنا ستنطلق المحاورة المباشره هذا المساء.

[مرزوق حمدان العتيبي]

المشاركة الأصلية كتبت بواسطة مرزوق حمدان العتيبي

سلام الله سلام اللي يجي ويروح مايحتاج = مع الهيلا مكانه فاول الدنيا وتاليها
ولايابو فلاح الملعبه تبغالها حجّـاج = ولا تبغا عميل ٍ يقطف الورده ويهديها

هلا يا مرحبا من شاعرٍ شعره كما هدّاج=يصدّر له ورودٍ حامي الملهاب حاديها
توصينا وحنا نعرف المدخال و المخراج=على الدعوى توصيك الرجال اللي توصيها

يدوم الك البقا ياعارف الاسراء من المعراج = انا وانته على ميعادنا والله يسويها
ولاياطيبها طيباه لو تقفي بدون ازعاج = تعذرك المناصب لاتجيك ولاتجي فيها

ترى ما ودّي أعرّضك بين الناس للإحراج=علومك كلها ندري بظاهرها و خافيها
عسى ربي يعز اللي لبس درع و وسام و تاج=على وضح النقاء بالعرف ياخذها و يعطيها

معانينا بعيده لاتسل السيف والكرباج = تريّح لاتعورك الحصاه اللي تدربيها
بعد حطيت مابينك وبين المسلمين سياج = تشب النار مير النار تحرق رجل واطيها

طريقك صعب ما هو للقدم مفروش بالديباج=ليال الصيف , الارض الموحشه تاكلك أفاعيها
من الوحي السماوي ناخذ الدستور و المنهاج=و لو إنّك يا راعي ( ليّه ) علومك تلويها

طريقي صعب ماهو منفرش للطرقي الدواج = ولكن لاتوسوس فالصلاه اللي تصليها
بعد بكره يحطونك سفير الشعر في قرطاج = وتفقدك ( المحاني ) لو تنحى عن ضواحيها

صقور الجو تسبح بالفضاء طافت على ميراج=و إذا جاعت من الصيده مخالبها تعشيها
عمرْنا يالعتيبي بالعقول و بالجهود أبراج=تناطح روسها غرّ السحايب في مناشيها

بعد عدت سفينة نوح فالغبه وفالامواج = اجل كم من سفينه راح تحت الموج راعيها
ترى غيرك نجومٍ نورها وسط السما وهاج = على هونك ترى الدعوه حكم بالعدل قاضيها

ترى بعض العرب وصفه مع التشبيه وصف سراج=ينوّر للبشر والنار في جوفه مواضيها
نهار الحج الأكبر من يقوم يسكّت الحجاج=تلج بصوت واحد كل ما نادى مناديها

بغيتوها علاج ٍ للمرض وامحق مرض وعلاج = مدام المستضيف يضيّف الناس بمخابيها
اذا التنظيم طيب لايهمك كثرة الافواج = لكن المشكله لاصار حاميها حراميها