اقتباس:
المشاركة الأصلية كتبت بواسطة منصور البرقاوي
سوف يكون لي عوده الى هذا الموضوع
وقد التقيت قبل ايام مع احد ابناء العصاما من الزلفي
وهو رجل يبلغ الستين عاماً من العمر ودار نقاش بيننا في هذا الموضوع
ودعاني لزيارته في منزله وسوق اقوم بذلك فالقريب العاجل بحول الله
وقد افاد بانه يوجد لديه شجرة نسب خاصه بهم وسوف اطلع عليها،
اما بخصوص العصمه في الزلفي فقبل ان التقي بهذا الرجل
كنت اعرف بانه قد هاجر من الطايف اثنين من التجار من خامس الشفعان
بسبب ثار الى الزلفي،
لن اتوسع في هذا الموضوع اكثر حتى اللتقي بالرجل المذكور
وسوف تكون لي عوده مفصله بحول الله،
ودي وتقديري للجميع،،
اخوكم منصور الشفيعي،،
|
عزيزي يالبرقاوي
المسأله مايبيلها رجل من العصاما عمره 60 سنه بالزلفي وراح متى ماتفرغت تزوره
الماضوع اسهل شوي حدد مكانك وحنا ناصلك على رسم الخدمه ونعطيك نسخة مجانيه من الشجره وماتحتاجه من المعلومه مادام ان الامر يعنيك او يهمك كباحث
او مرحبا الوف عد السيل والهيل على ضيافتك عند واحد منا ان كنت بالرياض وندور بك لين تدوخ على شيبان من السبعين وطالع وخذ ماتبي من علوم فقط ارسل لواحد منا عنوانك وطريقة الاتصال بك ونم هذي وحده
والثانيه حنا اهل الزلفي وعارفين قاصيها ودانيها وعلاقتنا مع جماع الوثايق فيها تعاون منقطع النظير بحمد ربي تعاون على بر وتقوى ونفع عام
فمسألة انه نازلن من الطايف تاجرين من الشفعان بمعلومة عندك قبل لا تشوف ذا العصاما فهذا شي مانعرفه ولاسمع به اهل النظر والشان بالزلفي الا آل هميجان الكرام من الشفعان من العصمة من عتيبه وتحويلهم على الزلفي من شرق جنوب قاصين الدرب على سدير من ديار العصمة اللي تعرف في نجد وها الهرج ماله اكثر من 60 سنه وعلى قولة القواله ان اللي حدر على الزلفي الشايب هميجان رحمة الله عليه وانه كان مواجره بعض اهل الزلفي وعطوه الاجره ارض بعريعره ثم توطن وتناسل
وهم ذرية طيبة مبروكه وخشوم طيبه ولا هان من يقرا
وغير هالهرج مانخبر ولا تكلف نفسك لان اهل الزلفي ضابطين قاصيهم ودانيهم
فان كنت باحث حقاني فحنا رسمنا لك الخريطه وان كنت راعي جدال فاقصرها من دانيها وار جع تكرما غير مامور الى منتدى خوالنا العصمة الكرام في باب انساب القبيله حقل خبر عاجل لاعضاء المنتدى فالهرج هناك صريح وواضح وهو رد على اللي سمى نفسه هنا سمنان في باب العصيمي الفيحاء والزلفي واصل المسمى آخر تعديل شيخ الجهام يوم 14-Apr-2011 في 05:22 AM.
« آخـــر الـــمـــشـــاركــــات »
14-Apr-2011, 05:19 AM
العرض الشجري