(( بلدنا )). الله اكبر ديننا مايضيعي ... محفوظ عند الله وعنده مددنا

[سعود بن عيد العضيله]

بسم الله الرحمن الرحيم
السلام عليكم ورحمة الله وبركاته
قصيده وطنيه بعنوان ( بلدنا ) :

الله اكبر ديننا ما يضيعي ... محفوظ عند الله وعنده مددنا


سبحانه القادر بصير وسميعي ... حنا بوحدانية الله شهدنا
لاجله نصلي كل يوم ونطيعي ... هو الكريم اللي لورده وردنا
الحمد له والشكر معطي منيعي .. في كل حاله يامحمد حمدنا
هذا الزمان يشيب منه الرضيعي .. كم واحدن على نعمنا حسدنا
المملكه امن وامان وربيعي ... والخير فيها مثل يوم اعتقدنا
يوم الدول جاها التغير سريعي .. الحمد لله في بلدنا صمدنا
شعب وقياده مع بعضنا جميعي ... ماهمنا المعتوه لو انتقدنا
حنا اشترينا الطيبه مانبيعي ... حنا الصقور اللي ينومس هددنا
نخلي الخاين بعدنا صريعي ... على الوفا دايم نوصي ولدنا
الله يعز اهل المكان الرفيعي .. حكامنا هم ذخرنا هم سندنا
ونبي نحاول قدر مانستطيعي .. انا نساهم في تطور بلدنا
حب الوطن فالقلب شي ن طبيعي .. لو كان دورنا بدل ماوجدنا

سعود بن عيد العضيله المطيري