السلام عليكم ورحمة الله وبركاته
بدون مقدمات قصيده وعسى ان تكون قد المقام
وعسا الله أن يرد والدنا بصحةٍ وسلامه
يا هاجسي حضر جزيلات الأشعار=واقدم على الجزله وتكسب رهنها
ميعادنا القمه تخير ونختار=فرايدن بأسم العتيبي علنها
تبقى لنا في صفحة الشعر تذكار=يطرَب لها السامع ويطرِبّ لحنها
المملكة حامينها أقروم وأحرار= من شرقها لآغربها مع يمنها
آخوان نوره دونها سيف بتار=آل.السعود الطيب والجود منها
ضلن على المضهود وافين الأأشبار=عيال من روس الفتن قد طعنها
عدوهم يشرب من المر الأمرار=ويموت وحدود ارضهم ما ضمنها
حامينها من فوق آصيلات الأمهار=يوم السيوف يجرد اللبس عنها
أشعارهم رمز الفخر عز وشعار=وأرواحهم دون الوطن هو ثمنها
وأن شفت أبو متعب عبر بث الأأقمار=أقول سعد الدار واللي سكنها
ملك جمع كل الوصايف ولا أحتار=كل المراجل في يمينه سجنها
خادم بيوت الله وهو حاكم الدار=وروحه لأجل شعبه ودينه ؤمنها
الله يجيره من صواديف الأقدار=ويرده إللداره بعد غاب عنها
وتبقى السعودية لها المجد تذكار=أغلى ثرى وأغلى عرب في وطنها